Znajści
Ałharytmičny łacinski varyjant
12.05.2023 / 07:111RusŁacBieł

Tanki Abrams Ukraina atrymaje ŭ pačatku vosieni

Ministr abarony ZŠA Łojd Ościn zajaviŭ, što Ukraina atrymaje tanki Abrams u pačatku vosieni, tady ž pavinny zaviaršycca i prahramy treniroŭki ŭkrainskich vajskoŭcaŭ dla kiravańnia imi, piša «Hołas Amieryki».

Ministr abarony Łojd Ościn daje pakazańni padčas słuchańniaŭ u Kamitecie pa abaronie Sienata pa biudžecie na 2024 finansavy hod, padadzienamu Ministerstvam abarony 11 maja 2023 hoda, Vašynhton. Fota: AP Photo / Jacquelyn Martin

«My robim usio mahčymaje, kab paskoryć pastaŭki hetych tankaŭ. Pa našych prahnozach, heta adbudziecca ŭ pačatku vosieni. Tym časam my pieramiaścili niekalki tankaŭ na trenirovačny palihon, kab ukraincy pačali navučańnie. Da taho času, kali vučeńni zavieršacca, tanki buduć dastupnyja dla vykarystańnia», — zajaviŭ ministr abarony ZŠA na słuchańniach u Sienacie ŭ čaćvier.

Adkazvajučy na pytańnie sienatara-respublikanca Śjuzien Kolinz ab tym, ci možna paskoryć pastaŭki 31-ha tanka Abrams Ukrainie, šef Pientahona dadaŭ, što terminy tłumačacca tym, što amierykanskija vajskoŭcy nie tolki adpraŭlajuć hetyja tanki va Ukrainu i rychtujuć ukrainskich vajskoŭcaŭ dla pracy na ich, ale i stvarajuć infrastrukturu, jakaja budzie padtrymlivać pracu hetych tankaŭ, jakija jość novaj technikaj dla ŭkraincaŭ.

«Jak vam viadoma, hetaja technika istotna adroźnivajecca, u pryvatnaści, za košt turbinnaha ruchavika i inšych dosyć składanych sistem. Ale my starajemsia jak maha chutčej pieradać hetuju techniku ŭkraincam. U ich, napeŭna, budzie ŭsio ŭ najaŭnaści da pačatku vosieni», — skazaŭ Ościn.

Jak paviedamlaŭ «Hołas Amieryki», Łojd Ościn zajaviŭ u kancy krasavika, što krainy NATA i ŭdzielniki kantaktnaj hrupy «Ramštajn» dastavili va Ukrainu bolš za 230 tankaŭ, bolš za 1550 braniravanych mašyn i inšaje abstalavańnie i bojeprypasy dla padtrymki bolš čym dzieviaci novych braniatankavych bryhad.

Pa vynikach sustrečy hrupy «Ramštajn» Ościn paviedamiŭ, što Złučanyja Štaty nieŭzabavie ŭ Hiermanii pačnuć treniroŭki ŭkrainskich vajskoŭcaŭ na amierykanskich tankach Abrams.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
1
Bor/adkazać/
12.05.2023
Nie možietie abramsy, dajtie šiermany, no siejčas
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031