Na biełaruskich mieteastancyjach šeść načej zapar fiksavalisia tempieraturnyja rekordy
Telehram-kanał «Pozirk» pravioŭ analiz źviestak Biełhidramieta i zaŭvažyŭ, što dzie-nidzie pa Biełarusi hetymi dniami abnavilisia rekordy choładu dla hetaha času, prytym niekatoryja raniej trymalisia dziesiacihodździami i navat stahodździami.
U Vasilevičach Homielskaj vobłaści pabity rekord choładu, zafiksavany 123 hady tamu (-1,4 suprać -1,1 hradusa 11 maja 1900 hoda).
U Žytkavičach abnoŭleny rekord choładu, zarehistravany ŭ 1974 hodzie (-1,7 suprać -1,1).
Pabity rekord i ŭ Babrujsku, praŭda, nie taki daŭni — 1,4 hradusa nižej za nul (-1,2 u 2017 hodzie).
U toj ža čas absalutny antyrekord dla ŭsioj terytoryi krainy vystajaŭ (-4,5 hradusa 11 maja 2017 hoda ŭ Vierchniadźvinsku).
Čytajcie taksama:
Składana pavieryć, ale fakt. Krasavik u Biełarusi byŭ ciaplejšy, čym zvyčajna
U krainach Paŭdniova-Uschodniaj Azii zafiksavanaja rekordnaja śpioka. U Vjetnamie bolš za 44°C
U noč na 9 maja taksama čakajucca zamarazki. Ale nieŭzabavie stanie ciapleć
