Znajści
Ałharytmičny łacinski varyjant
11.05.2023 / 08:333RusŁacBieł

Pad Babrujskam babior zabraŭsia ŭ dvor. Što b ni rabili, a sychodzić nie chacieŭ, navat ratavalniki byli biaśsilnyja

U dvary babior narabiŭ šumu: sabaki brachali na niaprošanaha hościa, a toj kidaŭsia na ich.

U noč z 5 na 6 maja ŭ milicyju patelefanavała žycharka vioski Harbacevičy Babrujskaha rajona. Žančyna paviedamiła, što da jaje ŭ dvor prabraŭsia babior i jana nie moža vypravadzić niaprošanaha hościa. Na miesca vyjechali ratavalniki, piša «Viačerni Babrujsk».

— Paviedamleńnie nam pastupiła prykładna a pieršaj hadzinie nočy, — raspavioŭ ratavalnik Pavieł Puchalski. — Nieŭzabavie my prybyli na miesca — u adzin z pryvatnych padvorkaŭ vioski Harbacevičy. Nas sustreła haspadynia doma — žančyna hadoŭ 40. Jana raspaviała, što da jaje ŭ dvor prabraŭsia babior, narabiŭ šumu: sabaki brachali na niaprošanaha hościa, a toj kidaŭsia na ich. Sama žančyna sprabavała jaho prahnać — kidała ŭ jaho pałku, drovy, ale jon i nie dumaŭ sychodzić.

Ja taksama ŭziaŭ pałku i pasprabavaŭ vypravadzić žyviołu za miežy dvara, ale babior šypieŭ i kidaŭsia na mianie. Ja krychu razhubiŭsia, bo nie viedaŭ, što hetyja žyvioły byvajuć nastolki ahresiŭnymi. Za 10 hadoŭ słužby ŭpieršyniu sutyknuŭsia na praktycy z takoj situacyjaj.

«Baraćba» naša doŭžyłasia bolš za hadzinu. Potym babior, vidać, stamiŭsia i ŭžo nie supraciŭlaŭsia hetak aktyŭna. Mnie ŭdałosia vyšturchać jaho z dvara i niekalki mietraŭ u napramku lesu.

Jon nastolki stamiŭsia, što prosta loh i lažaŭ.

Ja ŭžo vyrašyŭ, što ź im niešta zdaryłasia. Nam skazali dačakacca vieterynara rajona. My z kiroŭcam siadzieli ŭ mašynie, navat nie zaŭvažyli adrazu, jak babior ustaŭ i kudyści nakiravaŭsia. Vychodžu z mašyny, baču — jon uzdoŭž darohi kudyści idzie.

Kažu kiroŭcu: «Treba nam jaho zatrymać, zaraz vieterynar pryjedzie».

Zatrymali, dačakalisia vieterynara i pieradali žyviołu. Što było dalej, my ŭžo nie viedajem.

MNS rekamienduje:

Sustreča z babrom choć i byvaje redka, ale moža być niebiaśpiečnaj. Hałoŭnaja «zbroja» babra — mocnyja zuby, jakimi jon moža skarystacca pry abaronie. Pry sustrečy z babrom nie panikujcie, nie padychodźcie da jaho, nie sprabujcie pahładzić, nie fatahrafujcie z uspyškaj, nie karmicie.

Čytajcie taksama:

U Hrodnie ratavalniki vyzvalili kocika ź mietaličnaj pastki VIDEA

U Homieli ratavalniki ŭratavali ad vialikaj vady kocika VIDEA

Samaha toŭstaha ŭ śviecie kata pasadzili na dyjetu

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
chch/adkazać/
11.05.2023
čuła, što ŭ našych prodkaŭ zabaroniena było kryŭdzić babroŭ
0
Vadzim /adkazać/
11.05.2023
Nia viedaju nakont kryŭdaŭ, ale čuŭ ad dziadoŭ, što babior duža karysnaja reč, bo žyvie ŭ vadzie, a značyć jon ryba, i možna jeści ŭ post. Łajfchak, tak by mović
2
matuška/adkazać/
11.05.2023
baciuška , taksama takoje čuła )
ale toje, 
Quod licet Iovi, non licet bovi
kak hrycco
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera