Jačedžan — chrumstkija karejskija bliny z harodninaj, jakija padymuć vam nastroj 

Karejskija bliny z harodninaj. Fota: lookcatchu.com

Na karejskaj movie yachae abaznačaje harodnina, a jeon — bliny. Kab pryhatavać karejskija bliny z harodninaj, vam spatrebicca:

• 1 šklanka kabačka, parezanaha siaredniaj sałomkaj,
• 1 šklanka morkvy, taksama parezanaja siaredniaj sałomkaj,
• 2 šklanki našatkavanaj zialonaj kapusty,
• pałova maleńkaj narezanaj žoŭtaj cybuliny,
• 7 pioraŭ zialonaj cybuli, narezanych pałoskami kala 4 sm.

Dla ciesta:

• 1 šklanka muki,
• pałova šklanki kukuruznaha ci bulbianoha kruchmału,
• 1 čajnaja łyžka razrychlalniku,
• pałova čajnaj łyžki soli,
• 1,5 šklanki chałodnaj vady (moža spatrebicca mienš).

Dadatki:

• sojevy sous,
• kunžut.

Jak hatavać:

1. Źmiašajcie suchija inhredyjenty dla ciesta. Pastupova dadavajcie chałodnuju vadu, pakul sumieś nie stanie takoj kansistencyi, jak ciesta dla blinoŭ.
2. Dadajcie narezanuju harodninu ŭ ciesta i dobra pieramiašajcie.
3. Na patelniu z antypryharnym pakryćciom nalivajcie alej, pakul jon nie pakryje ŭsio dno. Vykładzicie 1,5 šklanki ciesta na patelniu i raźmiarkujcie jaho tonkim płastom. Hatujcie 4—5 chvilin abo da załacistaha, chrumstkaha karyčnievaha koleru.
4. Pieraviarnicie i dadajcie 1 stałovuju łyžku aleju pa krai blina. Chaj smažycca jašče 3—4 chviliny abo da załacistaha, chrumstkaha karyčnievaha koleru. Pieraviarnicie jašče raz i dajcie absmažycca na praciahu 1 chviliny. Pierakładzicie blin na talerku dla astyvańnia.
5. Razrežcie blin na dzieviać častak, padavajcie z padliŭkaj z sojevaha sousu i atrymlivajcie asałodu!

Parady:

• Ciesta pavinna być davoli hustym, tamu zališnie nie pieramiešvajcie, kab jano nie atrymałasia zanadta miahkim.
• Abaviazkova vykarystoŭvajcie chałodnuju vadu, kab ciesta zastavałasia jak maha bolš chałodnym, i chutka pačynajcie hatavańnie blinoŭ. Heta dapamoža atrymać lepšuju teksturu. Vy taksama možacie pryhatavać ciesta zahadzia i astudzić jaho ŭ chaładzilniku da vykarystańnia.
• Blin pavinien atrymacca chrumstki zvonku i miakki ŭnutry. Dla idealnaj chrumstkaj tekstury vykarystoŭvajcie šmat aleju. U advarotnym vypadku bliny buduć bolš miakkija — što taksama niadrenna, kali padavać ich maleńkim dzieciam.
• Nie pieravaročvajcie blin zanadta rana. Pačakajcie, pakul niz nie stanie załacistym i chrabustkim.
• Zamiest prapanavanaj harodniny možna ŭžyć i inšuju. Heta moža być brokali, kviacistaja kapusta, bałharski pierac, haroch, kukuruza, a taksama bulba, hryby i morapradukty (krevietki i kalmary). Pry žadańni možna dadać i jaječny białok.
• Kali vykarystoŭvajecie zdrobnienuju harodninu, adciśnicie ź jaje jak maha bolš soku.

Bolš receptaŭ:

Recept na vychadnyja. Anhlijskija aładki piklety — novy varyjant smačnaha śniadanka

Recept na vychadnyja. Aładki z bananam i biekonam — cikavaje spałučeńnie

Łatkies: jak jaŭrejskaja strava zapazyčyła nazvu ad biełaruskich aładak. I našmat daŭžejšaja historyja

Nashaniva.com

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

13

0

0

3

2

6