Znajści
Ałharytmičny łacinski varyjant
10.05.2023 / 07:36RusŁacBieł

ZŠA nie majuć namieru adpraŭlać dalnabojnyja rakiety va Ukrainu — ŚMI

Bieły dom nie płanuje prytrymlivacca prykładu Vialikabrytanii i adpraŭlać rakiety dalokaha radyusa dziejańnia va Ukrainu, piša Politico. Raniej paviedamlałasia, što Łondan razhladaje mahčymaść adpraŭki Kijevu rakiet dalokaściu da 300 km, adnak kančatkovaje rašeńnie z hetaj nahody jašče nie pryniata, paviedamlaje Bi-bi-si.

Sistema ATACMS. Fota: mil.in.ua

Ministr zamiežnych spraŭ Brytanii Džejms Klevierli admoviŭsia kamientavać hetyja paviedamleńni padčas supolnaj pres-kanfierencyi ź dziaržsakratarom ZŠA Entani Blinkienam u aŭtorak.

Padobnymi charaktarystykami vałodajuć amierykanskija rakietnyja sistemy ATACMS, jakija Vašynhton admaŭlajecca pieradavać Ukrainie.

Adzin z amierykanskich čynoŭnikaŭ skazaŭ žurnalistam, što «palityka ŭ dačynieńni da ATACMS nie źmianiłasia».

Pavodle jaho słoŭ, ZŠA buduć praciahvać pastaŭlać va Ukrainu srodki supraćpavietranaj abarony, bojeprypasy i braniatechniku.

Jak piša Politico, isnuje taksama zakłapočanaść z nahody taho, što ŭ arsienale ZŠA niama dastatkovaj kolkaści sistem ATACMS.

«Z vajennaha punktu hledžańnia, u nas adnosna mała ATACMS, i my pavinny być upeŭnieny, što padtrymlivajem svaje ŭłasnyja zapasy bojeprypasaŭ», — skazaŭ u sakaviku ŭ intervju Defense One staršynia Abjadnanaha kamiteta načalnikaŭ štaboŭ Mark Mili.

Taksama stała viadoma, što niamiecki kancern Rheinmetall choča vyrablać zbroju i bojeprypasy va Ukrainie.

Najbujniejšy niamiecki zbrojevy kancern Rheinmetall maje namier u budučyni vyrablać bojeprypasy, srodki supraćpavietranaj abarony i tanki na terytoryi Ukrainy.

Hienieralny dyrektar kampanii, što bazujecca ŭ Dziusieldorfie, Armin Papierhier zajaviŭ, što Rheinmetall u najbližejšyja niekalki tydniaŭ maje namier zaklučyć šerah pahadnieńniaŭ ab supracoŭnictvie i sumiesnych pradpryjemstvach z ukrainskimi kampanijami.

«Takim čynam my dajom mahčymaść Ukrainie ŭ siarednieterminovaj i doŭhaterminovaj pierśpiektyvie mieć mahčymaść abaranić siabie», — skazaŭ Papierhier.

Inviestycyi ŭ novyja zavody buduć zychodzić ad ukrainskaj dziaržavy, skazaŭ jon.

U jakaści prykładu jon pryvioŭ užo isnujučy płan pa budaŭnictvie va Ukrainie bajavych tankaŭ Panther. Rheinmetall raźličvaje, što ŭ hod moža być vyrablena da 400 mašyn.

Papierhier skazaŭ, što pieramovy z Kijevam pa hetym prajekcie «nosiać šmatabiacalny charaktar».

Čytajcie taksama:

Ukraina maje ŭsio nieabchodnaje, kab vyzvalić ziemli, zachoplenyja za apošnija 14 miesiacaŭ — Blinkien

Daniłaŭ: Kančatkovy płan kontrnastupleńnia Zialenski jašče nie zaćvierdziŭ

«Kontrnastup — heta nie adna bitva, jakaja ŭsio vyrašyć». Padalak patłumačyŭ, čaho čakać ad ukrainskaha kontrnastupu

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031