Znajści
Ałharytmičny łacinski varyjant
04.05.2023 / 13:118RusŁacBieł

Bajcy Pałka Kalinoŭskaha chitraściu vyklikali ahoń rasijan pa ich ža pazicyjach

Bajcy Pałka Kalinoŭskaha dali intervju vydańniu Politico, u jakim raskazali pra siabie i raniej nieviadomyja situacyi na froncie. Pryvodzim asnoŭnaje.

Vydańnie Politico parazmaŭlała z bajcami Pałka Kalinoŭskaha, jakija padzialilisia svaimi historyjami i raniej nieviadomymi detalami ab vajnie va Ukrainie. Adpaviedny artykuł byŭ apublikavany 3 maja.

Pieršym svoj apovied pačaŭ biełaruski vajar Pavieł Šurmiej (u minułym viaślar-čempijon, jaki daŭ intervju «Našaj Nivie»). Jon raskryŭ padrabiaznaści adnoj ź niadaŭnich bajavych vyłazak pad ukrainskim Bachmutam, dzie bajcy Pałka Kalinoŭskaha chitraściu prymusili rasijan źniščyć svaich ža sałdat.

«Paśla taho, jak my pieraadoleli tranšeju, naš kamandzir prykinuŭsia rasijskim sałdatam i vykarystaŭ ich varožuju radyjočastatu dla zapytu ich ža artyleryjskaha ŭdaru pa pazicyjach rasijskich vojskaŭ. I heta spracavała», — raspavieŭ Pavieł vydańniu Politico.

Akramia hetaha, Šurmiej pryznaŭsia, što moh niadaŭna zahinuć, bo dvojčy za boj traplaŭ pad tankavy abstreł i byŭ kantužany.

«Potym ja ŭstaŭ i pasprabavaŭ adyści. Ja pačuŭ, jak mianie niechta kliča, i adzin z chłopcaŭ pačaŭ nakładvać žhut. Ja tady padumaŭ: «Boža moj». Nichto nikoli nie hatovy atrymać ranieńnie. Tolki pieražyŭšy padobnaje, možna zrazumieć, što heta takoje», — skazaŭ Pavieł.

Dalej apovied praciahnuŭ Aleh Daškievič, jašče adzin bajec Pałka Kalinoŭskaha, jaki adpraviŭsia na dapamohu Ukrainie nasupierak voli svaich baćkoŭ. 

Chłopiec parazvažaŭ na temu taho, dziela čaho jon pajšoŭ na asabistyja achviary i navošta jon ryzykuje svaim ułasnym žyćciom.

«Spačatku Ukraina, zatym Biełaruś. Rasija — heta prablema nas usich, bo jana kantraluje Biełaruś, jana zaniavoliła jaje narod. Tamu treba razam zmahacca suprać Rasii, kab dapamahčy Biełarusi», — miarkuje Aleh.

Pavodle jaho słoŭ, rasijanie prajaŭlajuć asablivuju zacikaŭlenaść da biełaruskich dobraachvotnikaŭ i ŭzmocniena sprabujuć ich źniščyć.

U jakaści prykładu chłopiec pryvodzić toj fakt, što bajcy Pałka Kalinoŭskaha paźbiahajuć razmoŭ na biełaruskaj movie pa radyjosuviazi, bo rasijanie ŭsialak imknucca ich dastać, kali daznajucca pra toje, što biełarusy blizka.

Čytajcie taksama:

Połk Kalinoŭskaha sprabuje naładzić radyjotranślacyi z Ukrainy ŭ Biełaruś

Foreign Policy pra kalinoŭcaŭ: Siońnia jany vajujuć za Ukrainu, ale spadziajucca zaŭtra viarnucca dadomu i zrynuć Łukašenku

«My pačali stralać adzin u adnaho z 10 mietraŭ». Kalinoviec bačyŭ tvar rasijanina, jaki ŭ jaho stralaŭ, i apisvaje hety momant

Mark Rychter

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
23
Polesuk/adkazać/
04.05.2023
Skazki lvovskoho lesa ))
3
Me, myself and I/adkazać/
04.05.2023
Voś sapraŭdnaja nacyjanalnaja elita.  Minus dośvied pracy najomnym menadžaram u FSBšnym banku dy zakliki za "JEAES" i “dvujazyčije”.  Plus addanaść rodnaj ziamli, dziejnaja rašučaść, rozum i volny duch. 
Pryjemna, što nazvu Kastuś Kalinoŭski Regiment amery napisali pravilna. 
2
/adkazać/
04.05.2023
rom, Nu dyk kali armija nie budzie vajavać suprać Chłapcoŭ, to budzie ŭsio čocieńka. A kali "armija" zachoča, to šerahovym žaŭnieram varta prapanavać tłustym hienierałam samim pasprabavać baranić AHŁ ułasnymi žyvatami. U niekatorych jany takija, što ni adzin chajmiers nie prab‘ie.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera