Znajści
Ałharytmičny łacinski varyjant
03.05.2023 / 21:343RusŁacBieł

Muzyka, stvoranaja štučnym intelektam, ździvić vas

Hienieratyŭnyja madeli ŠI praciahvajuć kročyć pa płaniecie i ŭžo źmianiajuć muzyčnuju industryju. Novyja dypfejk-pieśni z vykarystańniem hałasoŭ papularnych vykanaŭcaŭ amal niemažliva adroźnić ad sapraŭdnych tvoraŭ.

Vyjava: vecteezy

Niadaŭna ŭ siecivie stała virusnaj pieśnia z vykarystańniem zroblenych štučnym intelektam hałasoŭ Drejka (Drake) i The Weeknd (kali vy raptam nie viedali, to heta supierpapularnyja amierykanskija vykanaŭcy). Ni adzin ź ich asabista nie ŭdzielničaŭ u stvareńni šlahiera. U toj ža čas śpiavačka Hrajms (Grimes) paviedamiła ŭ Twitter, što hatovaja addać 50% hanararu za lubuju pieśniu, zhienieravanuju ŠI, u jakoj vykarystoŭvajecca jaje hołas, a zatym uvohule zajaviła, što zacikaŭlenaja ŭ «źniščeńni aŭtarskaha prava».

Inšyja muzyki vykarystoŭvajuć štučny intelekt jak instrumient dla pašyreńnia miežaŭ svajoj tvorčaści. Naprykład, hurt YACHT «skarmiŭ» štučnamu intelektu svaju dyskahrafiju za 14 hadoŭ, a zatym abjadnaŭ vyniki ŭ albom «Chain Tripping»; a vykanaŭca Holly Herndon stvaryła admysłovy veb-sajt, jaki biaspłatna dazvalaje lubomu stvarać muzyku, vykarystoŭvajučy jaje hołas.

Viadoma, z takim imklivym raźvićciom technałohij, jakija paprostu mohuć madelavać čužyja hałasy, tut ža źjaŭlajucca i niavyrašanyja pytańni. Kievin Eryksan, dyrektar Kaalicyi budučyni muzyki (jość takaja niekamiercyjnaja arhanizacyja, jakaja bazujecca ŭ Vašynhtonie) u kamientary dla TechCrunch skazaŭ: «Elemient, na jakim sapraŭdy treba skancentravacca, — heta pytańni zhody. Kali my z pryčyny taho, što technałohija zdolnaja abyści zhodu ŭsich, prosta vyrašym pryniać heta… heta aznačaje, što my nie zajmajemsia niekatorymi z najbolš važnych i centralnych pytańniaŭ pra etyku i pracu».

Niahledziačy na ​​​​toje, što adna z najbujniejšych stryminhavych muzyčnych płatform Spotify vydaliła toj samy dypfejk-trek Heart on my Sleeve z vykarystańniem hałasoŭ Drejka i The Weeknd, kampanija, zdajecca, aściarožna aptymistyčna hladzić na novyja technałohii. Tak, hienieralny dyrektar Spotify skazaŭ, što ŠI pavinien pryvieści da bolšaj kolkaści muzyki — a bolšuju kolkaść muzyki kampanija ličyć vydatnaj źjavaj u kulturnym płanie.

Toj samy trek, zhienieravany ŠI, pieryjadyčna vydalajecca i z YouTube

Dla takoha bujnoha biznesu, jak Spotify, heta vidavočna moža stać plusam: čym bolš ludziej budzie karystacca servisam dla prasłuchoŭvańnia bolšaj kolkaści muzyki, tym bolš hrošaj kampanija budzie atrymlivać. Čaho nie skažaš, adnak, pra vykanaŭcaŭ, dachodu jakich ŠI, chutčej za ŭsio, budzie ŭjaŭlać pahrozu. Ciapier jany, jak i vizualnyja mastaki dy dyzajniery, stali svajho rodu paddoślednymi trusami dla technałohij, zdolnych prysvojvać ich pracu biez zhody.

U bolš vyhadnaj pazicyi mohuć akazacca muzyki, jakija zmohuć «supracoŭničać» z ŠI. Takija prykłady kałabaracyi mastactva i technałohij u historyi muzyki ŭžo zdaralisia: možna ŭspomnić, naprykład, semplinh — praktyku paŭtareńnia frahmientaŭ rabot inšych vykanaŭcaŭ u novych zapisach. Pakul muzyka atrymlivaje dazvoł ad vykanaŭcy ci łejbła, semplinh źjaŭlajecca sumlennaj hulnioj.

Pravavoj sistemie roznych krain spatrebicca čas, kab dahnać novyja technałohii, ale na hety momant mnohija bujnyja łejbły kštałtu Universal Music Group (UMG) vystupili suprać vykarystańnia hienieratyŭnaha ŠI. Pradstaŭnik łejbła skazaŭ, što rost muzyki, stvoranaj ŠI, vyklikaje pytańnie ab tym, na jakim baku historyi chočuć być usie zacikaŭlenyja baki ŭ muzyčnaj ekasistemie: na baku artystaŭ, fanataŭ i čałaviečaha tvorčaha samavyražeńnia abo na baku dypfejkaŭ, machlarstva i admovy artystam u naležnaj kampiensacyi. Chutčej za ŭsio, nieŭzabavie my staniem śviedkami niekatorych hučnych sudovych spraŭ i precedentaŭ, jakija sfarmujuć pravavoje pole dla dalejšaha vykarystańnia ŠI ŭ muzycy.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Dryn/adkazać/
03.05.2023
Navat i słuchać nia stanu. Štučny intelekt, štučnaja muzyka, štučnaje miasa, štučny žyvapis, .. hetak i da štučnaj žančyny sprava dojdzie... Ci ŭžo dajšło ? Nu j jak vam jana, štučnaja, lepš, čym muzyka ?
0
Kazik/adkazać/
03.05.2023
Pasłuchaŭ, typovy aŭtaciunavy papsarepčyk. Prykoł u tym, što i zvyčajnaja muzyka - sucelny softavy pracesinh. Jość daśledvańnie pra toje, što apošnija dziasiatki hod muzyka vielmi spraščajecca. Jak raz tamu, što staŭ vielmi dastupny muzyčny soft z knopkaj "zrabi mnie bit", "uklučy aŭtaciun". I pasłaŭ na Spacifaj. Tvorčaści tut nul, niadziŭna, što niejronki heta lohka paŭtarajuć. Ja maru, kab niejronki chutčej vykinuli na vulicu ŭsich hetych niedamuzykaŭ. Kab papsu hienieryravaŭ telefon na chadu. Tady stanie bolš zapatrabavanaj muzyka, da stvareńnia i razumieńnia jakoj treba prykładać hałavu
0
žeŭžyk/adkazać/
07.07.2023
Dryn, nie maju ničoha suprać štučnaj žančyny.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera