Akcyju «Nieśmiarotny połk» rasijanie praviali ŭ Afrycy. U Maskvie jaje sioleta pravodzić bajacca
Ambasada Rasii ŭ Demakratyčnaj Respublicy Konha pachvaliłasia tym, što arhanizavała pa miescy svajho znachodžańnia šeście «Nieśmiarotnaha pałka».
«1 maja ŭ DR Konha pasolstva treci raz arhanizavała akcyju «Nieśmiarotny połk». Maršam pa vulicach Kinšasy prajšło kala sta čałaviek, siarod ich piersanał, suajčyńniki, rasijskija vajskovyja naziralniki i palicejskija misii AAN pa stabilizacyi ŭ DRK i kanhalezcy, jakija simpatyzujuć Rasii», — havorycca ŭ paviedamleńni dypłamatyčnaj ustanovy.
U šerahach udzielnikaŭ šeścia afrykanskich tvaraŭ nasamreč ličanyja adzinki. Praŭda, niejkija śpiecyjalna navučanyja afrykancy z hieorhijeŭskimi stužkami na hrudziach śpiavajuć «Kaciušu».
Samaje pry hetym pikantnaje, što sioleta ŭ metach biaśpieki rasijanie vyrašyli admovicca ad anałahičnaha šeścia, jakoje apošniaje dziesiacihodździe stała adnym ź simvałaŭ rasijskaha militaryzmu, u Maskvie i inšych bujnych haradach.
Čytajcie taksama:
Bulon na vadzie ź niabožčyka i plavok u znak pavahi: dziŭnyja afrykanskija tradycyi
Pihmiei, malaryja i palihamija. Biełaruska raskazała pra žyćcio na afrykanskim ekvatary
