Pamierła Maryja Dziamkovič
U ZŠA pamierła dziajačka biełaruskaj dyjaspary, miecenatka Maryja Dziamkovič, paviedamiŭ telekanał «Biełsat». Joj było 93 hady.
Maryja Dziamkovič rodam ź vioski Motal na Paleśsi (ciapierašni Ivanaŭski rajon). Jaje siamja paśla Druhoj suśvietnaj vajny źjechała na Zachad, z 1970 hoda Maryja žyła ŭ ZŠA, dzie pracavała dziciačaj doktarkaj.
Paśla avaryi na Čarnobylskaj AES Dziamkovič nieadnojčy vystupała inicyjatarkaj navukova-mietadyčnaj i materyjalnaj dapamohi Biełarusi. Pa stanie na pačatak 1992 hoda Dziamkovič pierasłała na radzimu miedykamientaŭ bolš čym na 100 tysiač dalaraŭ.
Mnohija hady jana padtrymlivała hazietu «Biełarus» i dabračynnyja arhanizacyi ŭ ZŠA. Była na sustrečach z prezidentami ZŠA Džordžam Bušam-starejšym i Biłam Klintanam, dzie zakranała biełaruskaje pytańnie.
Maryja Dziamkovič pamierła 28 krasavika na 94-m hady žyćcia. Jaje pachavajuć u Čykaha pobač z baćkam.
Čytajcie taksama:
Pamior doktar i televiadučy Alaksandr Ciareščanka
Raptoŭna pamior Andrej Dziečka, adzin z aŭtaraŭ antyłukašenkaŭskaha zvarotu byłych vajskoŭcaŭ
