Abjadnańnie litoŭcaŭ «Himcinie» likvidavali
Hrodzienski abłasny sud u piatnicu vynies rašeńnie ab likvidacyi hramadskaha abjadnańnia litoŭcaŭ «Himcinie» («Radzima»). Pra heta TASS paviedamili ŭ sudovaj instancyi.
Litoŭcy na adnym ź fiestyvalaŭ nacyjanalnych kultur u Hrodnie. Fota sb.by
«Rašeńnie vyniesienaje, isk zadavoleny», — paviedamili ŭ sudzie.
Pavodle danych, raźmieščanych na sajcie Viarchoŭnaha suda Biełarusi, istcom pa spravie vystupała Hałoŭnaje ŭpraŭleńnie justycyi Hrodzienskaha abłvykankama. Va ŭpraŭleńni TASS paviedamili, što z boku abjadnańnia, jakoje pracavała ŭ vioscy Pielasa Voranaŭskaha rajona, zafiksavanyja parušeńni zakona, adnak padrabiaznaści spravy kamientavać nie stali.
Raniej na hetym tydni Litva vykazała Biełarusi pratest u suviazi z płanami likvidavać hramadskuju arhanizacyju litoŭcaŭ, jakija pražyvajuć u Biełarusi.
Kolkaść udzielnikaŭ arhanizacyi na momant padačy spravazdačnaści ŭ 2021 hodzie składała 150 čałaviek, usie jany pražyvajuć u Hrodzienskaj vobłaści. Hodam raniej u arhanizacyi ličylisia 163 čałavieki. Pavodle źviestak samoj arhanizacyi, za dva apošnija hady hrašovych srodkaŭ jana nie atrymlivała.
Čytajcie taksama:
U Biełarusi źbirajucca zakonam admianić mahčymaść navučańnia na movach nacmienšaściaŭ
Litva pratestuje z nahody zakryćcia ŭ Biełarusi litoŭskich škoł
«O Jezau hiaras, pahajleki musu!». Cikavy fotafakt z Hierviackaha kaścioła
