Navukoŭcy stvaryli bijapryntar z Lego, na jakim možna nadrukavać čałaviečuju skuru
U asnovie pryłady — mini-kampjutar Lego Mindstorms, jaki dla druku vykarystoŭvaje «bijačarniła». Kampjutar pieramiaščaje asadku z hielem, u jakim znachodzicca ŭzor čałaviečych kletak, i pry dapamozie śpiecyjalnaj prahramy drukuje skuru ŭ 3D-farmacie.
Detali dla takoha pryntara vielmi tannyja ŭ paraŭnańni sa standartnym navukovym abstalavańniem — usiaho 625 dalaraŭ, a sabrać aparat možna za dzień. Navukoŭcy apublikavali dyzajn pryntara, kab daśledčyki pa ŭsim śviecie mahli pabudavać svoj ułasny.
Z dapamohaj pryntara śpiecyjalisty spadziajucca vyvučyć raźvićcio chvarob skury. Raspracoŭščyki adznačajuć, što aparat mahčyma pieraprahramavać dla stvareńnia ŭzoraŭ nie tolki skury, ale i inšych tkanak arhanizma.
Čytajcie taksama:
Vynachodnik stvaryŭ samy chutki ŭ śviecie śmiećcievy bak
Papuhajaŭ navučyli karystacca zumam, i jany pierastali pačuvacca samotna
Mieksikanskija ŭłady vyjavili amal 10 ton vadkaha mietamfietaminu ŭ butelkach ad tekiły
