Znajści
Ałharytmičny łacinski varyjant
25.04.2023 / 20:0020RusŁacBieł

«Tołku ad marali, jakaja nie vyzvalaje ludziej?» Były dypłamat Macukievič zaklikaje da pieramoŭ z Łukašenkam

Były dypłamat Pavieł Macukievič u intervju jutub-kanału «Žyćcio — malina» parazvažaŭ na temu sankcyj i taho, jak vyzvalać palitviaźniaŭ. Nie ŭsie byłyja viaźni ź im pahadzilisia.

Pavieł Macukievič. Kadr ź videa «Žyćcio — malina»

Były dypłamat ličyć, što sankcyi jak instrumient cisku na Łukašenku nieefektyŭnyja. Pakul jość Rasija, jakaja biełaruskija ŭłady padtrymlivaje, hrošy buduć. I ciarpieć budzie nie režym, a ludzi.

«2020 hod staŭ mahčymy tamu, što ludzi stali žyć lepš. Ich stała cikavić nie tolki čarka-škvarka, zarobak, adpačynak — ich zacikavili pravy, mahčymaść hałasavać i realizavać svoj vybar. Ciapier my viartajemsia ŭ situacyju, kali praz paharšeńnie ekanamičnaj situacyi ludzi ŭ krainie buduć bolš dumać pra zarobak, jak nie stracić pracu, a nie pra toje, jak źmianić žyćcio da lepšaha».

Macukievič ličyć, što mahła b spracavać stačka na zavodach, kali b jana była ŭ 2020-m, ale jaje nie zdaryłasia.

Jon pahadžajecca z tezisam, što Łukašenka razumieje tolki movu siły, ale sankcyi ŭ jakaści takoj siły jon nie razhladaje, bo jany nie nadta pa im bjuć.

Pieramovy z Zachadam Macukievič vobrazna akreślivaje, jak stoł, jaki nakryty survetkaj. Jon ličyć, što Łukašenka da ich hatovy — inakš by jon nie staŭ havaryć z byłym kancleram Hiermanii Anhiełaj Mierkiel, kali taja telefanavała ŭ razhar mihracyjnaha kryzisu, i prezidentam Francyi Emanuelem Makronam paśla pačatku vajny.

«Jadziernaja zbroja moža stać nahodaj, kab prysieści za pieramoŭny stoł. U jaho źjaŭlajecca mocny arhumient, možna znoŭ śpiekulavać na temie vyvadu jadziernaj zbroi», — razvažaje Macukievič pra Łukašenku.

Były dypłamat zaŭvažaje: dobra, kali jość inšaja madel pavodzinaŭ aproč pieramoŭ, kab vyzvalić palitviaźniaŭ. Ale jon jaje pakul nie bačyŭ u dziejańni.

«Kali my zastajemsia takija ŭ biełych palčatkach i budziem dalej razvažać pra maral — nu ludzi buduć siadzieć dalej. Tołku ad marali, jakaja nie vyzvalaje ludziej, dla mianie niama», — kaža jon.

«Nazavicie heta jak zaŭhodna, ale kali vyjduć na volu ludzi, ja budu rady», — dadaje Macukievič.

Jon zhodny, što harantyj pry pieramovach z Łukašenkam niama, ale treba sychodzić z takoj situacyi. Takoje ŭžo spracoŭvała, pryvodzić jon arhumient.

Jaho słovy nie ŭsie padzialajuć. Błohier i były palitviazień Alaksandr Kabanaŭ u fejsbuku zapisaŭ adkaz Macukieviču, dzie aburyŭsia jaho pazicyjaj.

«Uvieś pośpiech, usio dasiahnieńnie tych pieramoŭ — heta mienavita toje, što ciapier adbyvajecca ŭ Biełarusi»,

skazaŭ Kabanaŭ.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Zmahacca koštam viaźniaŭ kruta/adkazać/
26.04.2023
Čałavnk prapanoŭvaje sapraŭdy niešta kanretnaje dla vyzvaleńnia ludziej, a što prapanujuć cichija? Vychodzić na pikiety ŭ Vilniach i Varšavach, jany eta nazyvajuć zmahańniem. Mieŭ racyja dziadźka Zianon kali kazaŭ pra palityčnuju impatencyju biełarusaŭ.
5
Mojša/adkazać/
27.04.2023
Usie całkam słušna i pa temie. Viadoma "zmaharam" na zachadzie padabajecca hulacca ŭ biehłych "revalucyjanieraŭ" ale jak ludziam tut u Biełarusi im pofih.
0
Karystač/adkazać/
30.04.2023
Nie maral vyzvalaje ludziej, a uzbrojeny supraciŭ i inšaja śmiarotnaja niebiaśpieka dla zachopnika.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera