Chočacie palepšyć dvary Minska (abo inšaha horada)? Źjaviŭsia novy jutub-kanał
Kamanda Urban-płatformy «Robim Hud», jakaja abjadnoŭvaje žycharoŭ i horadabudaŭnikoŭ Biełarusi, niadaŭna zapuściła svoj kanał na YouTube. Čamu? Chłopcy kažuć, što, jak pakazvaje praktyka, navat kali biełarusy chočuć zrabić niešta dobraje sa svaim dvarom, jany časta nie viedajuć, z čaho pačać, piša Citydog.
U rubrycy «Nieprachodny dvor» jany prapanujuć razam z ekśpiertami i ekśpiertkami raźbirać minskija dvary i abmiarkoŭvać dvarovyja źmieny, jakija mohuć źmianić žyćcio horada da lepšaha.
U pieršym vypusku ŭrbanist z Hrodna Vital Bahdziel parazvažaŭ ab prablemnych dvarach Minska (i nie tolki), razabraŭ, čamu Novaja Baravaja — prykład dobraha ŭrbanizmu i chto vinavaty ŭ tym, što našy dvary takija adnastajnyja i zmročnyja. I hałoŭnaje — što my možam zrabić, kab heta źmianić.
Čytajcie taksama:
Kvaterazdymka: pahladzicie, jak zrabić interjer u ciomnych adcieńniach — i nie pierabarščyć
