Mabilnym apierataram daduć prava vydavać pazyki
Apierataram sotavaj suviazi płanujuć dać prava vydavać pazyki hramadzianam na spažyvieckija patreby na sumu nie bolš za 200 bazavych vieličyń (na siońnia heta 7400 rubloŭ). Pra heta zajaviŭ staršynia praŭleńnia Nacbanka Pavieł Kałaŭr padčas sumiesnaha pasiadžeńnia dźviuch pałat parłamienta, piša BiełTA.
Jak adznačyŭ Pavieł Kałaŭr, viałasia rabota pa ŭdaskanaleńni pravavych umoŭ dla raźvićcia niekredytnych finansavych arhanizacyj, pavyšeńni jakaści pasłuh. U pryvatnaści, prymalisia miery pa kompleksnym urehulavańni pytańniaŭ u śfiery spažyvieckaha mikrafinansavańnia.
«Z adnaho boku, heta dazvolić zabiaśpiečyć pavyšeńnie dostupu fizičnych asob da finansaŭ. Ź inšaha boku, prapanova mikrapazyk z vykarystańniem ličbavych technałohij, praviadzieńniem adpaviednaj identyfikacyi pazyčalnika vyviedzie mikrafinansavańnie na novy ŭzrovień, jaki adpaviadaje ciapierašnim realijam», — adznačyŭ staršynia praŭleńnia Nacbanka.
Čytać taksama:
U Biełarusi mohuć abmiežavać vydaču mikrapazyk
Biełarus kupiŭ 15 hadoŭ tamu akcyju «Hazprama». Kolki jon zarabiŭ za hety čas
