Pad Pinskam na darohu vyjšła niezvyčajnaja žyviolina
Pavodle paviedamleńnia žychara Pinskaha rajona, jedučy pamiž vioskami Novy Dvor i Stašany, jon pabačyŭ na prajeznaj častcy darohi niezvyčajny kamień. Ale, kali chłopiec razhledzieŭ «kamień» bolš uvažliva, to akazałasia, što heta bałotnaja čarapacha, piša «Miedyja-Paleśsie».
Jeŭrapiejskaja bałotnaja čarapacha — heta adziny vid čarapach, jaki žyvie ŭ paŭdniovaj častcy Biełarusi. Žyvioła vielmi redkaja i zaniesienaja ŭ Čyrvonuju knihu.
Pinski rajon uvachodzić u areał pasialeńnia hetaj reptylii, ale sustreć jaje ŭ naturalnym asiarodździ davodzicca daloka nie kožnamu.
Na praciahu hoda čarapachi žyvuć tolki ŭ vadzie i tolki zredku vybirajucca na bierah, kab pahrecca na soncy. Taksama samki vypaŭzajuć da suchich piasčanych miaścin, dzie adkładvajuć jajki. Mabyć, padčas adnaho z takich rejdaŭ chłopiec ź joj i sustreŭsia.
Čytajcie taksama:
«Možna i aharod uzarać, i viercham na im prajechacca». Za što ceniać biełaruskuju parodu koniej?
Pahladzicie, jakoje simpatyčnaje stvareńnie ŭnieśli ŭ Čyrvonuju knihu Biełarusi
