«Makdonalds» aficyjna staŭ «Mak.by»
Novaj nazvaj byłoha «Makdonalds» stała «Mak.by». Pra heta paviedamlaje telehram-kanał «Mierzkij Kokobaj».
Fota: Koko.by
«Histaryčny momant: «My adčynienyja» ciapier aficyjna «Mak.baj», sajt taksama pamianiaŭ imia na Mak.by!», — napisaŭ jon.
Situacyja sa źmienaj nazvy ciahnułasia piać miesiacaŭ. Spačatku była infarmacyja, što restarany buduć pracavać pad nazvaj «Vkusno i točka».
Ale na naradzie 12 śniežnia Łukašenka zajaviŭ, što «Makdonalds» ciapier «naša pradpryjemstva».
U lutym restarany stali pracavać pad nazvaj «My adčynienyja».
Padčas pasłańnia da naroda 31 sakavika Łukašenka narakaŭ, što jamu davodzicca šmat što rabić samomu: «Umiešvacca i vučyć to taho, to hetaha, to «Makdonalds» niejki pierarablać u «Makbaj».
Čytajcie taksama:
Mahčyma, stała viadoma, pad jakoj nazvaj buduć pracavać pierajemniki «Makdonaldsa» ŭ Biełarusi
