Łukašenkaŭski «biaźviz» uziaŭ čarhovuju vyšyniu — bolš za paŭmiljona čałaviek. Ale heta nie ŭnikalnyja naviedvalniki
Pavodle infarmacyi Dziaržaŭnaha pahraničnaha kamiteta, u Biełaruś pa «biaźvizie» za hod prybyło ŭžo 504649 čałaviek. Adnak varta pamiatać, što hetaja ličba, navat kali jana praŭdzivaja, nie adlustroŭvaje kolkaść unikalnych naviedvalnikaŭ.
Pavodle infarmacyi viedamstva, z pačatku dziejańnia biaźvizavaha režymu ŭ Biełaruś zajechali:
- 329136 hramadzian Litvy;
- 109943 hramadzianina i 32989 niehramadzian Łatvii;
- 32581 hramadzianin Polščy.
U DPK adznačajuć, što inšaziemcy praciahvajuć ujazdžać u našu krainu pa biaźvizie i ŭ 2023 hodzie. Tak, z pačatku hoda ŭ Biełaruś prybyło 80869 hramadzian Litvy, 21809 hramadzian i 6110 niehramadzian Łatvii, 10859 hramadzian Polščy.
Biaźvizavy režym dla hramadzian Łatvii i Litvy, a taksama žycharoŭ Łatvii sa statusam niehramadzian, byŭ uviedzieny ŭ krasaviku 2022 hoda. Čakajecca, što «biaźviz» budzie dziejničać da 31 śniežnia 2023 hoda.
Ličby, jakija nazyvajuć łukašenkaŭskija čynoŭniki, uražvajuć, ale varta razumieć, što ŭsio zaležyć ad mietodyki padliku. U hetych ličbach nie kolkaść unikalnych naviedvalnikaŭ, a kolkaść pierasiačeńniaŭ miažy. Dobraja častka hetych vizitaŭ budzie prypadać na dolu niekalkich tysiač žycharoŭ pamiežža, jakija jeździać u Biełaruś štodzień — tudy z pustym bakam, a nazad z poŭnym i z cyharetami, jakija paśla iduć u cieniavy abarot.
Čytajcie taksama:
«Kala 450 tysiač zamiežnikaŭ naviedała Biełaruś pa biaźvizie». Praŭda? Vyhladaje, što ŭ razy mienš
Łukašenka pradoŭžyŭ na hod biaźvizavy režym dla susiedziaŭ ź Jeŭrasajuza
