Znajści
Ałharytmičny łacinski varyjant
12.04.2023 / 09:506RusŁacBieł

U Novaj Baravoj prezientavali novy kvartał sa śviacilniami i dyvanom u dvary. Što z cenami?

«A-100 Deviełapmient» praciahvaje budaŭnictva svajho fłahmanskaha žyłoha kompleksu — Novaj Baravoj. Učora zabudoŭščyk pradstaviŭ patencyjnym navasielcam jašče adzin kvartał pad nazvaj Rabinavy. Asablivaść novaj častki damoŭ — aryhinalnaje dobraŭparadkavańnie ŭ styli vuličnaj haścinaj, raskazvaje realt.by.

Novy kvartał — nievialiki. Jon budzie ŭjaŭlać saboj hrupu z dvuch damoŭ. Rabinavy kvartał vyraście maksimalna blizka da budučaha centralnaha parku, škoły i dziciačaha sada.

Prastora samoha dvara pradstaŭlena ŭ kancepcyi vuličnaj haścinaj: drevy, šmat zon dla cichaha adpačynku, śviacilni i taršery, stały, a taksama azdableńnie ŭ vyhladzie dyvana ź plitki. Uvohule — usio jak va ŭtulnaj chacie.

Šumnyja zony buduć vyniesieny ŭ tarcy damoŭ, kab nie pieraškadžać žycharam i nie dastaŭlać dyskamfortu. Tut praduhledžany viełaboksy, nievialikaja viełamajsternia, nastolny tenis, stoł dla kikiera.

U dvary buduć vysadžany rabiny jak simvał kvartała.

Jak i va ŭsich kvartałach Novaj Baravoj, u Rabinavym dvor budzie svabodny ad aŭtamabilaŭ. U im taksama zjaviacca ŭpadabanyja žycharami aharody, zony dla adpačynku i aktyŭnaha času. Praduhledžany paviljon dla sustreč i adpačynku niedaloka ad dziciačaj placoŭki, dzie možna budzie pahulać u nastolnyja hulni.

U afarmleńni damoŭ budzie vykarystoŭvacca akcentny terakotavy koler, u jakaści elemientaŭ — dekaratyŭnyja akanicy, łamieli ź lustranym efiektam dla stvareńnia pryhožaha adlustravańnia i blikaŭ. Vierchniaja častka fasada azdoblena chvalistym mietaličnym listom.

U Rabinavym kvartale buduć kvatery z terasami, jakija vychodziać jak i ŭ dvor, tak i na centralny park. Taksama budzie padjezd z ekspłuatavanym dacham.

Płošča kvater — ad 26 da 98 «kvadrataŭ», buduć kvatery jak z hatovym azdableńniem, tak i bieź jaho. 

Padjezdy ŭ kvartale skraznyja, z vychadam u dvor, dla žycharoŭ z hadavancami praduhledžany pamiaškańni dla myćcia łap, kalasačnyja — u kožnym padjeździe.

Termin zdačy pieršaha doma, jaki pastupić u prodaž, — čaćviorty kvartał 2024. Košt kvadratnaha mietra pačynajecca ad 1177 dalaraŭ.

Čytajcie taksama:

Nabližany da Łukašenki biznesoviec zbudavaŭ kompleks nasuprać Pałaca Niezaležnaści. Voś jak jon vyhladaje

«Babuliny» kvatery za $ 160, a kolki za «elitku»? Pačym zaraz u Minsku doŭhaterminovaja arenda kvater

Ažno treć kvater u Minsku pradajecca pa davieranaści

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
9
Панылы сорам
1
Ха-ха
2
Ого
5
Сумна
1
Абуральна
3
0
babcia/adkazać/
12.04.2023
atstanti
ja siońnia ŭsich praklała
0
dank-dranik/adkazać/
12.04.2023
śviacilni i dyvan u dvary. dvor unutry turmy.
vybačajcie za ryfmu
0
Sidorov/adkazać/
12.04.2023
Skorieje vsieho budiet skupleno rośsijanami, dla nich takaja ciena voobŝie limonad, "Sitro".
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera