Znajści
Ałharytmičny łacinski varyjant
05.04.2023 / 00:0915RusŁacBieł

Na ANT vypuścili film pra «sietku SBU» ŭ Biełarusi

U im raskazali pra niekalki spraŭ, u tym liku pra dyviersiju ŭ Mačuliščach. Ź jaho stali viadomy novyja imiony zatrymanych i abvinavačańni, jakija im vystaŭlajucca. Niekatorych aryštavali siemjami. Aryštavanych aŭtary filma źviazvajuć z ukrainskimi śpiecsłužbami, ale z taho, što my pabačyli, vynikaje, što prynamsi častka heta byli ludzi ź biełaruskich inicyjatyŭ ci znajomyja takich ludziej.

Zatrymańnie ŭ Sienicy. Skrynšot videa ANT

Pradprymalnik, jaki, pa viersii prapahandy, uziaŭ Šviaca na pracu dla prykryćcia

Niekatoryja z detalaŭ ahučvalisia dziaržTB raniej.

Pavodle siužetu prapahandy, ukrainiec Mikałaj Šviec, zatrymany za dyviersiju ŭ Mačuliščach, byŭ znajomy z pradstaŭnikom SBU i byŭ navučany kiravać dronami.

Spačatku jaho nibyta chacieli pasłać u Rasiju, a paśla płan źmianiŭsia — za paŭmiesiaca da dyviersii skazali, što jechać treba budzie na aeradrom u Mačuliščach.

Šviec, śćviardžaje prapahanda, mieŭ psieŭdanim «Haspar».

Z Kijeva mužčyna vyjazdžaŭ na ciahniku ŭ Varšavu, a paśla pajechaŭ u Łodź da Viktara Jakucika. Jakucik, pa viersii prapahandy, paźniej pieradavaŭ drony. 

Šviec sprabavaŭ ujechać u Biełaruś dvojčy. Pieršy raz raźviarnuli — jon pakazaŭ spačatku ŭnutrany rasijski pašpart, paśla ŭkrainski, a potym niby prasiŭ nie stavić adznaku ab pierasiačeńni miažy («bo biažyć ad vajny i nie choča, kab pa viartańni byli prablemy»), paśla čaho jamu admovili va ŭjeździe. Druhi raz jon zajechaŭ paśpiachova praz Rasiju, na rejsavym aŭtobusie z Pskova.

U pačatku lutaha Šviec atrymlivaje drony, adzin Jakucik pieradaje praz «Jandeks. Dastaŭku», druhi praz svajho znajomaha — Dzianisa Sakałova. Sakałoŭ, jak śćviardžajuć u siužecie, raniej uładkavaŭ Šviaca na pracu ŭ svaju prajektnuju kampaniju ŭ Minsku architektaram-technikam na pałovu staŭki.

Dzianis Sakałoŭ. Skrynšot videa ANT

Kvateru dla Šviaca niby šukali jašče minułaj vosieńniu. Znajšli praz Andreja Ściapurku. Toj znajšoŭ kvateru ŭ znajomaj baćkoŭ — Łarysy Kučynskaj.

Łarysa Kučynskaja. Skrynšot videa ANT

Jak vynikaje ź siužeta, zatrymali i Kučynskuju, i baćkoŭ Ściapurki. Ich prapahanda abvinavačvaje ŭ ździajśnieńni akta teraryzmu.

Ajcišnik, jaki nibyta vioŭ tranślacyju z aeradroma

U siužecie prahučała jašče adno novaje imia zatrymanaha — Dźmitryj Mastavy. Ajcišnik, žychar Sienicy. Pavodle ANT, jon prapanavaŭ «Biełaruskamu Hajunu» źlivać infarmacyju pra aeradrom. Dźmitryj nibyta naładziŭ tranślacyju z kampjutara, jakaja dva tydni išła bieź pierapynku.

Dźmitryj Mastavy. Skrynšot videa ANT

Paźniej, kab palepšyć jakaść tranślacyi, jon prapanavaŭ paviesić dadatkovuju kamieru na dom, śćviardžaje prapahanda.

U akcie teraryzmu abvinavačvajuć taksama drukara Aleha Syčova. Pra jaho paviedamlałasia raniej: jon byŭ haspadarom katedža ŭ vioscy Čarciaž. Jamu nibyta napisaŭ Siarhiej Łaparoŭ, muž psichaterapieŭtki Jaŭhienii Tyčyckaj, z prośbaj pasialić u siabie čałavieka. Kaho — nie ŭdakładniaŭ.

Aleh Syčoŭ. Skrynšot videa ANT

Hrodna. «Płanavaŭ uzarvać naftabazu»

U siužecie raspaviali taksama pra inšych zatrymanych z «sietki SBU», ale pa inšym kiejsie, u Hrodnie (nie tym, dzie byŭ «teraryst u paryku»).

Adzin ź ich — rasijanin Andrej Kulikoŭ. Jon nibyta zdymaŭ na fota abjekty ŭ Hrodnie: vajenkamat Hrodna i Hrodzienskaha rajona, vajskovuju čaść 41780, naftabazu rajona Auls, naftabazu rajona Dzieviatoŭka, hienkonsulstva RF.

Raskazvajuć, što hod tamu Kulikoŭ źbieh ad pryzyvu, a trapić u Hrodna jamu dapamoh rasijski apazicyjanier Daniił Krynary (Kavaleŭski). U śniežni Krynary zatrymali ŭ Hrodnie i ekstradziravali ŭ Rasiju.

Kulikoŭ ciapier u SIZA, jaho abvinavačvajuć pa č. 2 art. 289 (akt teraryzmu) i č. 2 art. 126 (akt mižnarodnaha teraryzmu).

Druhi fihurant — biełarus Vadzim Pacenka. Na kadrach dopytu jon kaža, što jamu nibyta pastavili zadaču ŭzarvać naftabazu z dapamohaj drona i vybuchoŭki.

Vadzim Pacenka. Skrynšot videa ANT

Pacenka taksama ŭ SIZA, jamu inkryminujuć č. 2 art. 289 (akt teraryzmu).

Zhodna z zajavaj namieśnika načalnika śledčaha ŭpraŭleńnia KDB Kanstancina Byčaka, usim fihurantam kryminalnaj spravy (niezrazumieła, razmova tolki pra Mačuliščy ci pra kiejs u Hrodnie taksama) inkryminujecca č. 3 art. 289 (akt teraryzmu arhanizavanaj hrupaj) i art. 356 (zdrada dziaržavie).

Zatrymana bolš za 20 čałaviek.

U filmie nie prahučała pierakanaŭčych dokazaŭ taho, što biełarusy, jakija zhadvajucca ŭ filmie, źviazanyja sa Słužbaj biaśpieki Ukrainy ci inšymi ŭkrainskimi strukturami. I «Biełaruski Hajun», i «Bajpoł» — heta biełaruskija arhanizacyi, jakija vystupajuć suprać dyktatury Alaksandra Łukašenki, suprać vajny va Ukrainie i suprać rasijskaha impieryjalizmu.

«Sietka SBU», pakazanaja ŭ siužecie prapahandy. Skrynšot videa ANT

Čytajcie taksama:

Dziomin i Łapacin — inšyja ŭdzielniki niejtralizacyi rasijskaha samalota pa viersii KDB

KDB zajaviŭ pra datyčnaść da dyviersii suprać samalota ŭ Mačuliščach śpiecsłužbaŭ Polščy

Stała viadoma, chto taki Jakucik, pra jakoha pa ŭsioj Biełarusi dapytvali strałkoŭ, i ŭ čym jaho abvinavačvajuć

Kaho mienavita zatrymali ŭ vioscy Čarciaž? Heta siamiejnaja para, u ich dvoje dziaciej

Novyja padrabiaznaści pra ataku na samalot u Mačuliščach: prapahandysty nazvali novyja imiony

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
10
Панылы сорам
48
Ха-ха
13
Ого
3
Сумна
4
Абуральна
39
0
Nie śmiešna/adkazać/
05.04.2023
Vielmi žachliva. Nie chapała pracesaŭ u style tryccatych? A voś jon, tut.
0
Mar/adkazać/
05.04.2023
A v čiem vina tiech, kto sdavał kvartiry? Tiepieŕ každomu ariedndodatielu nužno v KHB za informacijej o žiełajuŝiem śniať kvartiru obraŝaťsia?
0
daviedka/adkazać/
05.04.2023
Nado žie, dažie emblemu CRU čiekisty umudriliś pririsovať tam sboku, kak i zavieŝał im tovariŝ Łukašienko.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera