«Vidiš, błok ahrieśsii skołočien». Połackija «ruskamircy» prezientavali zbor svajoj paezii
U Połackim kaledžy VDU imia Mašerava prezientavali numar maskoŭskaha časopisa «Litieraturnyje znakomstva», dzie jość rubryka «Kniha v žurnale». U hetaj rubrycy vyjšła i «Połockaja litieraturnaja tietrad́», vytrymanaja całkam u ruskamirskim duchu, piša «Viciebskaja viasna».
Śviatłana Čyžova
Pavodle vydaŭcoŭ, u hetaje vydańnie ŭvajšli tvory 25 połackich ruskamoŭnych aŭtaraŭ, udzielnikaŭ litaraturnych supołak «Litieraturnyj kovčieh», «Połockaja vietv» i «Naddźvińnie».
Układalnica «Połockoj litieraturnoj tietradi» — kiraŭnica stvoranaha ŭ 2007 hoda litaraturnaha kłuba «Litaraturny kaŭčeh» Śviatłana Čyžova.
Śviatłana Čyžova abjadnała vakoł siabie idejnych prychilnikaŭ, razam ź jakimi jana biare ŭdzieł u raznastajnych rasijskich litaraturnych konkursach. Uletku hetaha hoda jana pryviezła šerah uznaharod ź fiestyvalu «Intelihientny siezon», jaki pravodziŭsia ŭ Kierčy ŭ anieksavanym Rasijaj Krymie. Siarod inšaha połackaja paetka atrymała tam pryz hladackich simpatyj u naminacyi «Vieršy pra Rasiju».
Taksama letaś Śviatłana Čyžova była ŭhanaravanaja dypłomam jak udzielnica litaraturnaha konkursu «Vo słavu Rośsii», dzie prezientavała vierš «Z frontu» na tematyku rasijska-ŭkrainskaj vajny.
U im paetka piša ad imia rasijskaha sałdata: «Mama! Nie viernułsia ja s vojny / Potomu, čto boj moj nie okončien / V mirie, słyšiš, nietu tišiny / Vidiš, błok ahrieśsii skołočien / K stołknovieńju žiźniej prizyvať / Nie pieriestajut lichije ludi / Kak žie mnie ot bitvy otstavať / S tiemi, okopavšimisia v błudie…»
Prytym čytaje Śviatłana Čyžova takija vieršy nie tolki ŭ Rasii, jaje ciapier rehularna zaprašajuć vystupać u miascovyja biblijateki i Damy kultury i na publičnyja haradskija mierapryjemstvy.
Čytajcie taksama:
Na kanfierencyju ŭ akupavanym Łuhansku pajeduć try vykładčycy biełaruskich VNU. Što za jany?
«Ruski dom» u Homieli adpraŭlaje miascovych školnikaŭ u anieksavany Krym
