EPAM raspaviała, kolki hrošaj patraciła na rełakacyju
Udakładnienaja spravazdačnaść kampanii EPAM za 2022 hod źmiaščaje danyja ab vydatkach, paniesienych na rełakacyju supracoŭnikaŭ. Havorka idzie pra $38,7 młn. Takija resursy IT-kampanija nakiravała na toje, kab pieravieźci supracoŭnikaŭ z Rasii, Biełarusi i Ukrainy ŭ ofisy, adkrytyja ŭ inšych krainach. Kampanija ŭziała na siabie vydatki na pražyvańnie, prajezd i charčavańnie, piša Office Life.
Fota: CEU Career Services
«Hetyja vydatki źjaŭlajucca dadatkovymi da tych, jakija byli paniesienyja da kryzisu, jany vyrazna adździelenyja ad zvyčajnaj dziejnaści, i čakajecca, što nie buduć paŭtaracca paśla taho, jak kryzis ścichnie i apieracyi viernucca da zvyčajnaha režymu», — havorycca ŭ kamientaryjach da spravazdačnaści.
Adnačasova EPAM kanstatuje skaračeńnie na 71,8% vyručki ŭ krainach u Rasii, Biełarusi i Ukrainie.
Raniej paviedamlałasia, što ŭ Biełarusi kamanda kampanii za 2022 hod źmienšyłasia bolš čym u dva razy — z 9,4 tys. da 4,5 tys. čałaviek. Dla paraŭnańnia, va Ukrainie kampanija straciła 2,5 tys. supracoŭnikaŭ.
Čytać taksama:
IT-kampanii ź biełaruskimi karaniami zaniali za hod pałovu ajcišnych ofisaŭ Vilni
Štat EPAM u Biełarusi letaś skaraciŭsia napałovu. A litoŭskaja kamanda vyrasła ŭ 4,5 raza
EPAM Systems upieršyniu stała hałoŭnym padatkapłacielščykam IT-haliny Litvy
Kampanii z takimi kapitałami (milijardy) mahli by sami stavić umovy vusatamu a nie pryspasablivacca, tym bolš i tak šmat ofisaŭ za miažoj jość