Zavod «Pramień» vypuściŭ novuju limitavanuju sieryju hadzińnikaŭ
Minski hadzińnikavy zavod «Pramień» vypuściŭ limitavanuju kalekcyju hadzińnikaŭ «Van Hoh» u honar 170-hodździa niderłandskaha mastaka-postimpresijanista Vinsienta Van Hoha.
Kalekcyja składajecca z čatyroch madelaŭ, kožnaja ź jakich pryśviečana adnoj z karcin mastaka: «Zornaja noč», «Aŭtapartret u sałamianym kapielušy», «Kvitniejučyja halinki mindala» i «12 słaniečnikaŭ u vazie».
Kožnaja madel vykananaja ŭ styli adpaviednaj karciny i maje svoj unikalny dyzajn. Va ŭsich madelaŭ cyfierbłat ručnoj raboty, korpus vykanany ź nieržaviejučaj stali.
Ramieńčyki hadzińnikaŭ zroblenyja z naturalnaj skury, na vonkavym ich baku — vycisnuty podpis mastaka. Na zadnim viečku va ŭsich madelaŭ majecca hraviroŭka.
«Zornaja noč»
«Aŭtapartret u sałamianym kapielušy»
«Kvitniejučyja halinki mindala»
«12 słaniečnikaŭ u vazie»
Nabyć hadzińnik z novaj sieryi možna za 399 rubloŭ u sietcy firmovych kram «Pramienia», a taksama ŭ internet-kramie Luch.by.
Čytajcie taksama:
U Biełarusi zrabili hadzińnik z karcinami viadomaha ŭkrainskaha mastaka
«Łuč» vypuściŭ kalekcyju da Dnia rodnaj movy
Hadzińnikavy zavod «Pramień» vypuściŭ navahodniuju kalekcyju budzilnikaŭ z kaladnaj zorkaj
