Znajści
Ałharytmičny łacinski varyjant
30.03.2023 / 21:474RusŁacBieł

«Nie bačyŭ biełarusaŭ u takim ampłua ni razu». Pavieł Libier razvažaje pra hrošy, zamožnaść i panty

U vialikaj razmovie «Tok» adzin sa stvaralnikaŭ płatformy «Hołas» raspavioŭ pra toje, jakija pavinny być zarobki ŭ biełarusaŭ, ci ličyć siabie bahatym i čamu ajcišniki sumujuć pa syrkach.

Pavieł Libier. Kadr ź videa jutub-kanała «TOK»

«Drenna nie toje, što ŭ ajcišnikaŭ vysokija zarobki, a što ŭ nastaŭnikaŭ i daktaroŭ — nizkija»

Libier ličyć, što niespraviadliva, kali nastaŭnik u Biełarusi zarablaje 300-400 dalaraŭ, a student-prahramist moža mieć i tysiaču, i dźvie, kali pastarajecca.

«Heta niespraviadliva nie tamu, što student atrymlivaje šmat, a tamu, što doktar i nastaŭnik atrymlivajuć mała. I heta važna. Tamu što vysokija zarobki ajcišnikaŭ razhladajucca jak niešta drennaje. Na samoj spravie, drennaje — heta nizkija zarobki ŭ nastaŭnikaŭ i daktaroŭ. Va ŭsich inšych krainach niama nijakaj dyfierencyjacyi. U Polščy, Ispanii doktar i ajcišnik atrymlivajuć supastaŭna.

U novaj Biełarusi daviadziecca vypraŭlać hetuju niespraviadlivaść. Tamu što ŭ zdarovym hramadstvie nie pavinna być takich roźnic. Bo va ŭsim śviecie nastaŭniki i daktary — pryvilejavanyja prafiesii. A ŭ nas — sacyjalna ŭraźlivyja. Tamu isnujučaja roźnica pavinna vyroŭnivacca. I nie ŭ bok źnižeńnia, a ŭ bok taho, kab usie pačali žyć lepiej», — adznačaje Pavieł.

Ci praŭda, što ŭsie ajcišniki nyjuć i sumujuć pa biełaruskich syrkach?

Pavieł Libier z uśmieškaj adznačaje: tatalny sum ajcišnikaŭ pa biełaruskich hłazuravanych syrkach — mif.

«Usie hetyja razmovy zakančvajucca tym, što zaŭvažajuć «Nu dobra, u Polščy taksama narmalnyja» ci «Nu voś ja litoŭski pakaštavaŭ, taksama ničoha».

A toje, što biełaruskija ajcišniki ŭ pablikach skardziacca, što servis nie toj, praduktaŭ nie chapaje, Libier źviazvaje z nastalhijaj pa radzimie.

«Voś ja kali byŭ u Kalifornii, to znajomyja narakali, što niama tvarahu ci palandvicy. I tamu ŭ haražy na padziemnaj parkoŭcy jany sami rabili tvaroh. Nie viedaju, čamu ŭ takich umovach. Heta pramaja cytata», — raspaviadaje Pavieł.

Nielha kazać, što tolki ajcišnikam ŭłaścivyja takija narakańni. «Ja viedaju nie ajcišnikaŭ, jakija šukajuć hrečku, syrki ci rahačoŭskuju zhuščonku», — zaŭvažaje Libier. Jon ličyć, što raspaŭsiudžanaje mierkavańnie ab tym, što mienavita ajcišniki nyjuć, źviazanaje z bolšaj prysutnaściu apošnich u ličbavych srodkach kamunikacyi.

«Samaja darahaja pakupka za ŭsio žyćcio — mašyna»

Kab u 2020-m pracavać nad płatformaj «Hołas», a ciapier nad «Novaj Biełaruśsiu», Pavieł syšoŭ z asnoŭnaj pracy. Padličvaŭ, što moža zastavacca biez pracy da kanca 2023 hoda. Srodki dazvalajuć jak zabiaśpiečyć dastatkovy ŭzrovień žyćcia, tak i inviestavać u prajekty. Pry hetym jon užo šukaje varyjanty stabilnaj pracy. I dumaje da kanca hoda ŭładkavacca ŭ niejki prajekt na častkovuju zaniataść, kab viarnuć stabilny dastatak.

«Kali ja sychodziŭ [z EPAM], to zabraŭ usie svaje źbieražeńni, niešta ŭ mianie było na fondavym rynku, niešta ŭ kampanii. I pa sutnaści ja bolšuju častku inviestavaŭ u sacyjalnyja prajekty. Kab jany mahli raści i raźvivacca. Ciapier hrošy zakančvajucca, i ja vymušany budu šukać pracu», — zaŭvažaje Libier.

Pavieł nie nabyvaŭ za miažoj nieruchomaść, a samaja darahaja jaho pakupka za ŭsio žyćcio — mašyna BMV M550. Jana abyšłasia prahramistu, pa jaho słovach, u 85 tysiač dalaraŭ.

«Spartyŭnaja, jakaja razhaniajecca z 4 siekundy da 100 km na hadzinu. Potym ja jaje pradaŭ u dva razy tańniej. Usie takija mašyny vielmi chutka hublajuć u canie», — śmiajecca Pavieł.

Pradać jaje vyrašyŭ, kali padličvaŭ, kolki hrošaj spatrebicca na raspracoŭku «Novaj Biełarusi».

«Ja razumieŭ, što mašyna staić u Minsku. Pryvozić ja jaje nie źbirajusia, tamu što tut u nas jość mašyna žonki. Jana staić na parkoŭcy 99 pracentaŭ času, tamu što my nie razumiejem, navošta ŭ Vilni mašyna. Tamu ja vyrašyŭ jaje pradać i dadać hrošy da taho zapasu, jaki vydzieliŭ na prajekt», — tłumačyć Pavieł.

Čym zamožny biełarus adroźnivajecca ad zamožnaha rasiejca ci zamožnaha jeŭrapiejca?

U adroźnieńnie ad rasiejcaŭ u biełarusaŭ niama pantoŭ, ličyć Pavieł.

«U nas niama pakazušnaści, pjanaha raskidvańnia hrošaj u kazino z krykami «Tahił!». Ja nie bačyŭ biełarusaŭ u takim ampłua ni razu. U nas sa ścipłaściu ŭsio ŭ paradku», — ličyć Pavieł.

Pry hetym jon padkreślivaje, što nie ličyć siabie bahatym. Jość ludzi, jakija atrymlivajuć našmat bolej.

«Ja liču, što moj uzrovień dastatku, kali ja moh niešta kupić (a ja nie nabyvaŭ bolšaść rečaŭ za raz, ja braŭ u kredyt ci lizinh) — heta jakraz toje, jak moža žyć doktar u Ispanii. Jon moža nabyć sabie mašynu za 85 tysiač. Tak, z kredytami. Ale heta nie budzie dla jaho niepadjomnaj pakupkaj.

I mnie vielmi chočacca, kab my pryjšli da taho hramadstva, dzie ludzi mohuć nabyvać sabie nieruchomaść, mašyny, mieć doŭhaterminovaje płanavańnie. Brać kredyty pad 1 pracent na 30 hadoŭ, jak heta adbyvajecca ŭ narmalnych krainach. Voś da hetaha nam treba iści. Pakul my ŭsich dzielim na bahaty-niebahaty, my dakładna nikudy nie pryjdziem», — adznačaje Pavieł.

Hladzicie całkam:

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
12
Common sense/adkazać/
30.03.2023
Paša,nu začiem tak vrať. Krieditov pod 1% na 30 let siejčas nihdie niet. Nu možiet v Japonii kakoj tolko. V Štatach mieńšie 8% siejčas chrien połučiš. V ciełom urovień tvojej arhumientacii vyzyvajet oŝuŝienije "ruka-lico". Očieriednoj rozovyj poni
5
Gorliwy Litwin/adkazać/
31.03.2023
ni pra što, na žal. adno ź niamnohich sumlennych interviju takoha kštałtu jakoje davodziłasia čytać abo hladzieć - było z Knyrovičam u Miełkaziorava. A tut niejkaja zvyčajnaja kacaŭščyna. Mocnaje rasčaravańnie
0
97-3/adkazać/
06.04.2023
žestačajše miakkaja dyktatarka, vaš 3% nidzie nia źbiare i 100 000 udzielnikaŭ u nijakaj inicyjatyvie, a tut bolš miljena biełarusaŭ, paŭtara, jakija dakazali uzrovień falsifikacyjaŭ usiamu suśvietu!!
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera