Znajści
Ałharytmičny łacinski varyjant
30.03.2023 / 10:4322RusŁacBieł

«Ja pazaštatnaja supracoŭnica adnaho z pravaachoŭnych orhanaŭ». Nastaśsia Kuźniacova, jakaja stała abjektam pažadlivaści viadučaha sałaŭjoŭskaj prahramy, pryjšła da svajho prychilnika na efir

U siecivie raźlaciełasia videa, dzie viadučy prahramy «Sałaŭjoŭ Live» Siarhiej Karnavuchaŭ u žyvym efiry padčas vystupu Łukašenki robić skrynšot maładoj dziaŭčyny z dekalte. «Naša Niva» adšukała dziaŭčynu. Ciapier Nastaśsia Kuźniacova pryjšła da Karnavuchava na efir.

Nastaśsia Kuźniacova pryjšła da Karnavuchava na efir. Skryn videa

Siarhiej Karnavuchaŭ pradstaviŭ jaje jak dziaŭčynu, jakuju jon «vyłučyŭ u zale» i jakaja akazałasia «studentkaj i hramadskaj dziajačkaj».

Taksama Karnavuchaŭ adznačyŭ, što «bečebešniki, usia hetaja pahanaja apazicyja, jakaja siońnia supraćstaić vialikaj Biełarusi, usie hetyja padonki, jakija siońnia pražyvajuć na terytoryi Polščy», šmat pisali pra kurjoznuju historyju Karnavuchava, bo «ich vielmi mocna razdražniaje, što ŭ Biełarusi jość pryhožyja dziaŭčaty».

Skryn videa, jaki zrabiŭ viadučy prahramy «Sałaŭjoŭ Live» Siarhiej Karnavuchaŭ

Anastasija Kuźniacova adrazu patłumačyła, što «pramilhnuła navina» pra toje, što jana — dziaržsłužačaja, bo tak napisana ŭ profili na jaje staroncy ŭ Instagram («jaki zabaronieny na terytoryi Rasijskaj Fiederacyi», pradbačliva ŭdakładniła dziaŭčyna), ale heta nie tak.

«Ja pakul jašče nie dziaržsłužačaja, ja — pazaštatnaja supracoŭnica adnaho z pravaachoŭnych orhanaŭ u Respublicy Biełaruś», — stroha patłumačyła dziaŭčyna biez udakładnieńniaŭ.

Nastaśsia dadała, što zjaŭlajecca sakratarkaj, pavodle jaje farmuloŭki, «adnaho z samych papularnych moładzievych ruchaŭ — Biełaruskaha respublikanskaha sajuza moładzi». Vučycca na «jurysta-pravavieda» ŭ homielskim univiersitecie.

U budučyni bačyć siabie na dziaržsłužbie. Bolš za ŭsio, pa jaje pryznańni, padabajecca «nahlad», to-bok, vidavočna, prakurorskaja praca.

Karnavuchaŭ zapytaŭ, jakaja situacyja ŭ Biełarusi z moładzievymi strukturami.

Anastasija adkazała, što ŭ Biełarusi moładzievaja struktura, «biezumoŭna jość».

«Jana ŭ nas, ja nie pabajusia hetaha skazać <…> u nas zachavałasia savieckaja madel. U nas idzie ideałahičnaje vychavańnie moładzi jašče sa škoły». Anastasija patłumačyła, što ź pieršaha kłasa dziaciej «zaklikajuć ustupać» u akciabraty, z čaćviortaha kłasa — u pijanierski ruch. Paśla pijanierskaha ruchu, kali chtości vykaža žadańnie, mohuć pastupić u Biełaruski respublikanski sajuz moładzi.

A ŭžo tam «stać nie prosta vałancioram dzieści, dzieści dapamahać tam piensijanieram, dzietkam, ludziam ź niejkimi abmiežavanymi mahčymaściami. U pryncypie, heta, ja chaču skazać, heta vielmi vialiki skačok, kali ty čałaviek ambicyjny. Heta vielizarnaja takaja padpora, dzie ty možaš pajści dalej pa karjernaj leśvicy. Uznačalić niejkija moładzievyja struktury ŭ abłasnych kamitetach, u haradskich kamitetach. Nu a dalej dajści až da ministerstva albo da parłamienta», — vybudavała pierśpiektyvy dziaŭčyna.

Karnavuchava heta, moža, nie nadta natchniła, bo jon zaŭvažyŭ, što kožny raz, kali jon z maładymi ludźmi ź Biełarusi pierasiakaŭsia «ŭ tym, ci inšym farmacie», maładym biełarusam usim ułaścivaja adna, jak jamu zdajecca, rysa — «vy strohija, u vas pastava, voś niama takoj raschrystanaści».

Anastasija zapeŭniła, što ŭsio zaležyć ad situacyi. Ciapier jana strohaja, bo heta farmat šou taki. «Kali my dzieści źbirajemsia ŭ svaich takich maleńkich kołach, my možam pažartavać, jak ciapier modna kazać, pakrynžavać. Heta značyć, my nie zaŭsiody takija. Usio zaležyć ad situacyi», — zapeŭniła jana.

Čytajcie taksama:

Znajšli dziaŭčynu z dekalte, jakaja pryciahnuła ŭvahu viadučaha sałaŭjoŭskaj pieradačy

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Praŭdu kažacie/adkazać/
31.03.2023
Ja adrazu va ŭsich sacyjalnych sietkach, kanałach i saobščastvach, i heta praŭda! Ale prablema ŭ tym, što ŭ tutejšych hety patencyjna biaźmiežny śpiektr jak praviła nie vychodzić za miežy russkoho mira. U jakim rulać bieśśmiarotnyja kanstanty: "Umri ty siehodnia, a ja zavtra", "Ja načalnik, ty durak", "Nie naje#ioš, nie pražyvioš" i h.d., navat nie ŭzhadvajučy impierska-šavinistyčnaje śmiećcie. 
0
Taki /adkazać/
31.03.2023
Kotya, Jeśli ona staniet prokurorom i budiet sažať, a jeje potom nie posadiat pośle smieny riežima? Vy uvierieny? Vot o čiem jej śledovało by dumať. Kotieł burlit, vozmožna vojna na tierr. Biełarusi. Tut budiet nie do santimientov.
0
chrien ička/adkazać/
01.04.2023
kłub nička,a kakžie?  otoplenije nam načiślajut 3 raza bolšie čiem vam, pri tom čto my im nie polzujemsia.   
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera