Valeryju Capkału zaprasili 19 hadoŭ kałonii va ŭmovach strohaha režymu
Dziaržaŭny abvinavaŭca zapytaŭ dla byłoha pretendenta ŭ prezidenty Valeryja Capkały 19 hadoŭ pazbaŭleńnia voli va ŭmovach kałonii strohaha režymu i štraf u adnu tysiaču bazavych vieličyń, paviedamlaje «Sputnik».
Valeryj Capkała ŭ mai 2020 hoda
Capkału ŭ Minsku sudziać zavočna. Jon abvinavačvajecca pavodle 12-ci kryminalnych artykułaŭ, u tym liku za zahadzia łžyvy danos ab učynienym złačynstvie. Taksama jamu vystaŭlena abvinavačańnie ŭ stvareńni ekstremisckaha farmavańnia i kiraŭnictvie im.
Jašče palityku stavicca ŭ vinu zbor hrošaj dla «zabieśpiačeńnia ekstremisckaj dziejnaści», paklop u dačynieńni da Łukašenki.
Jak raniej paviedamlała Hienprakuratura, Capkała taksama abvinavačvajecca ŭ atrymańni chabaru ŭ asabliva bujnym pamiery, złoŭžyvańni słužbovymi paŭnamoctvami. Bokam abvinavačańnia ŭ intaresach Parka vysokich technałohij, jaki jon u papiarednija hady ŭznačalvaŭ, byŭ zajaŭleny pazoŭ ab kampiensacyi majomasnaj škody na sumu bolš za šeść tysiač rubloŭ (prykładna 2,1 tysiačy dalaraŭ).
Minski abłasny sud pačaŭ razhladać spravu 1 sakavika, a sam Capkała abvieščany ŭ vyšuk.
Čytajcie taksama:
Siońnia ŭ Minsku pačali zavočna sudzić Valera Capkału
Ekstremisckim farmavańniem pryznanyja prychilniki Valeryja Capkały i połk «Pahonia»
Jak schavać, što ty danaciŭ praz fejsbuk? Valeryj Capkała i Andrej Stryžak majuć roznyja mierkavańni
