Tamboŭski chlebazavod pačaŭ vypusk dronaŭ dla vajny z Ukrainaj
Tamboŭski chlebazavod spačatku adpraŭlaŭ rasijskim akupantam na front va Ukrainie svaju profilnuju pradukcyju, a taksama miedykamienty i amunicyju. «A kali vajskoŭcy skazali, što sytyja-zdarovyja-apranutyja, i ŭ hety momant im najbolš patrebnyja bieśpiłotniki, pradpryjemstva paralelna z abarankami i batonami naładziła vypusk dronaŭ», piša «Rośsijskaja hazieta».
Fota: «Sobiz Info»
«My sami režam ramy z karbonu. Užyvajem kampazity, chutka pačniom drukavać na 3D-pryntary trymalniki dla anten i kamiery», — zajaviŭ namieśnik dyrektara zavoda padpałkoŭnik Alaksandr Rudzik.
«Jon u minułym vajskovy suviazist, padpałkoŭnik zapasu, tamu, aproč ahulnaha kiraŭnictva prajektam, uziaŭ na siabie techničnuju častku», — piša vydańnie.
Pavodle Rudzika, chlebazavod vypuskaje tannyja drony dla vyviedki. Abychodzicca adzin u 25—50 tysiač rubloŭ (300—600 jeŭra) u zaležnaści ad charaktarystyk.
Pieršaja sieryjnaja partyja z 16 bieśpiłotnikaŭ adpravicca na front u kancy sakavika. Kambinat moža źbirać da 200 dronaŭ u miesiac.
