USU nanieśli ŭdar pa Mielitopali
Ukrainskaja armija ranicaj u sieradu naniesła ŭdar pa celach u akupavanym Mielitopali.
Mini-hatel i restaran «Pryvał palaŭničaha» ŭ Mielitopali paśla ŭkrainskaha ŭdaru 10 śniežnia 2022 hoda
Spačatku roznyja krynicy paviedamili pra niekalki mahutnych vybuchaŭ u Mielitopali. Śćviardžałasia, što jany adbylisia ŭ rajonie aeradroma, ale nadziejnych paćviardžeńniaŭ (abo abviaržeńniaŭ) nie było.
Praź niekatory čas rasijskija ahienctvy abviaścili sa spasyłkaj na ekstrannyja słužby horada, što ŭdar byŭ naniesieny pa łakamatyŭnym depo.
Pavodle zajavy ekstrannych słužbaŭ, u depo jość razbureńni, ale paciarpiełych niama.
Vajskovy aeradrom u Mielitopali, jaki rasijanie, pa mnostvie śviedčańniaŭ, zrabili svajoj bazaj, i łakamatyŭnaje depo znachodziacca adnosna niedaloka adno ad adnaho ŭ paŭnočna-zachodniaj častcy horada.
Jakimi mienavita srodkami byŭ naniesieny ŭdar, pakul nieviadoma. Ad Mielitopala da linii frontu — prykładna 60 km.
