Znajści
Ałharytmičny łacinski varyjant
28.03.2023 / 23:083RusŁacBieł

Lekar vyrazaŭ pacyjentu zamiest chvoraj nyrki zdarovuju. Jamu dali «chatniuju chimiju»

Sud prysudziŭ chirurhu-ankołahu, jaki vyrazaŭ žycharu Lepiela zdarovuju nyrku zamiest chvoraj, da 1,5 hoda «chatniaj chimii» z mahčymaściu praciahvać miedyčnuju dziejnaść, piša Sputnik.

Fota ilustracyjnaje

U žychara Lepiela Mikałaja Cabanava dyjahnastavali dvuchsantymietrovuju puchlinu na levaj nyrcy. 14 červienia 2022 hoda mužčyna loh u Viciebski abłasny kliničny ankałahičny dyspansier. Apieracyja prajšła nibyta paśpiachova, ale nieŭzabavie paśla jaje vyjaviłasia niespadziavanka:

«Mužu dali vielmi mocny narkoz: pamiataju, my ź im razmaŭlali pa telefonie praz try dni paśla apieracyi, i jon ledź havaryŭ. Muž raspavioŭ, što vielmi balić razrez z pravaha boku. Ja pierapałochałasia: jak z pravaha, kali vydalić pavinny byli levuju nyrku? Muž adkazaŭ, što, pa słovach doktara, tak lahčej było dastać levuju nyrku», — uspaminaje žonka Mikałaja Halina Cabanava.

«Tady ž ja napisała zajavu na praviadzieńnie histałahičnaj ekśpiertyzy vydalenaj nyrki, jakaja potym pakazała, što jana była absalutna zdarovaja, a syn napisaŭ zajavu ŭ Śledčy kamitet», — dzielicca Halina.

Ministerstva achovy zdaroŭja praviało słužbovuju pravierku, u vyniku jakoj vyjavili «fakt miedycynskaj pamyłki» i zaśviedčyli, što pieršapačatkova pamyliłasia lekarka-renthienołah kabinieta renthiena-kampjutarnaj dyjahnostyki dyspansiera.

Cabanavy padali ŭ sud na lekaraŭ, z-za jakich Mikałaj Cabanaŭ staŭ invalidam 2-j hrupy. Vinu na siabie ŭziaŭ tolki chirurh, jaki pravodziŭ apieracyju. U jakim sudzie prachodziła pasiadžeńnie — nieviadoma. Jano było zakrytym i žurnalistaŭ na jaho nie puścili.

Chirurha asudzili da hoda z pałovaj «chatniaj chimii» z mahčymaściu praciahvać miedyčnuju dziejnaść.

Ciapier muž i žonka rychtujucca da suda suprać balnicy ab kampiensacyi maralnaj i fizičnaj škody, a taksama źbirajucca padavać isk suprać inšych lekaraŭ, pakolki absalutna nie zhodnyja z tym, što jany paźbiehli pakarańnia.

Puchlinu z chvoraj nyrki Mikałaja Cabanava paśla vydalili ŭžo ŭ Minsku, ciapier jaho fizičny stan adnaŭlajecca vielmi pavolna.

«Viedajecie, u nas ža navat nichto nie paprasiŭ prabačeńnia. Padčas vypiski ja dumała: vyjdzie chirurh, paprosić prabačeńnia… moža, i zavahałasia b, ale jon paprasiŭ prabačeńnia tolki ŭ sudzie. A druhi pry vypiscy prosta paprasiŭ nie pisać zajaŭ, inakš ich zvolniać, na što ja adkazała, što mahu i nie pisać, kali mužu viernuć zdarovuju nyrku», — skazała žonka paciarpiełaha. 

Čytajcie taksama:

Biełarusu, jakomu pahražaje paralič paśla źbićcia siłavikami ŭ 2020-m, sabrali bolš za 65 tysiač złotych

Što za apieracyju zrabiŭ Kirkoraŭ, kab mieć kubiki na presie? Raskazvajem miechanizm

Mužčynu ŭ Hiermanii ŭdałosia vylečycca ad VIČ. Heta ŭžo piaty vypadak u historyi

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
psich/adkazać/
28.03.2023
cikava, što ž budzie majmu psichiatru za toje, što...
5
rom/adkazać/
29.03.2023
za takoje nie v sudy podavať nado!!! vot biełorusy takije vo vsiem)) impotienty da i vsie
2
Cikaŭny/adkazać/
29.03.2023
rom, A vy sami chto pavodle pachodžańnia, cikava? Ludzi jakoj nacyi tak zaviornutyja na samasudach? 
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera