Znajści
Ałharytmičny łacinski varyjant
28.03.2023 / 22:49RusŁacBieł

Palitviazień Michaił Zubkoŭ abviaściŭ haładoŭku — «Radyjo Svaboda»

Palitviazień z Homiela Michaił Zubkoŭ, jaki adbyvaje pakarańnie ŭ papraŭčaj kałonii №14 u Barysaŭskim rajonie, abviaściŭ suchuju haładoŭku. Pra heta «Radyjo Svaboda» paviedamili «vartyja davieru krynicy».

Papraŭčaja kałonija №14 u Navasadach

«Jaho čarhovy raz źmiaścili ŭ štrafny izalatar biez daj pryčyny. Michaił adbyŭ siem sutak ŠIZA za toje, što «nie tak pradstaviŭsia» kanvojnamu. Jon vyjšaŭ z ŠIZA 21 sakavika. Praz try dni jaho znoŭ pakarali ŠIZA na 10 sutak — tolki za toje, što jon patrabavaŭ sustrečy z nataryusam, kab vyrašyć niejkija svaje prablemy», — paviedamiła krynica.

Pavodle krynicy, Michaił abviaściŭ suchuju haładoŭku ŭ znak pratestu suprać niezakonnaha źmiaščeńnia ŭ štrafny izalatar.

Michaiła Zubkova zatrymali 29 kastryčnika 2021 hoda ŭ maskoŭskim mietro. Jaho spynili dla pravierki pašparta, i vyśvietliłasia, što biełarus — u vyšuku. 13 maja 2022 hoda jaho siłkom ekstradavali ŭ Biełaruś.

Pryčynaj zatrymańnia stała toje, što ŭ 2020 hodzie Michaił Zubkoŭ udzielničaŭ u maršach pratestu ŭ Homieli, jaho zatrymlivaŭ AMAP. Tady mužčyna pravioŭ 15 sutak u IČU. Bolš da jaho pretenzij z boku milicyi nie było, i Michaił źjechaŭ na pracu ŭ Maskvu.

Sud Centralnaha rajona Homiela 18 žniŭnia 2022 hoda pryznaŭ Michaiła Zubkova vinavatym u hvałcie i pahrozach jaho ŭžyvańnia ŭ dačynieńni da supracoŭnikaŭ orhanaŭ unutranych spraŭ i pryznačyŭ jamu pakarańnie ŭ vyhladzie troch hadoŭ pazbaŭleńnia voli ŭ papraŭčaj kałonii ahulnaha režymu.

Taksama siońnia źjaviłasia infarmacyja, što ŭ tych ža Navasadach palitviazień Uładzimir Ipataŭ vykinuŭsia z akna druhoha paviercha i ciapier znachodzicca ŭ špitali ŭ Barysavie.

Čytajcie taksama:

Pravaabaroncy: Z akna kałonii ŭ Navasadach pad Barysavam vykinuŭsia źniavoleny

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera