Znajści
Ałharytmičny łacinski varyjant
28.03.2023 / 14:4050RusŁacBieł

Litoŭski žurnalist, jakoha pierabłytali ź cicharom: Heta cyrk

«Bajpoł» pryniaŭ litoŭskaha reparciora Darusa Matajcisa, jaki zdymaŭ akcyju biełarusaŭ na Dzień Voli, za biełaruskaha siłavika. «Naša Niva» spytała ŭ Matajcisa, jak usio adbyvałasia.

Darus Matajcis. Skrynšot videa z akcyi na Dzień Voli

Jak raskazvaje Darus, jon padpisany ŭ tvitary na niekalki staronak, pryśviečanych biełaruskaj tematycy. Adtul jon i daviedaŭsia, što jaho pryniali za biełaruskaha špijona.

«Spačatku mnie było śmiešna, bo heta cyrk.

Heta demanstruje, pa-pieršaje, absalutnuju niekampietentnaść «Bajpoła», i pa-druhoje, adznaču, što biełaruskija apazicyjnyja miedyja pieradrukavali heta biez pravierki. Pastavili fatahrafiju i napisali taki tekst.

Ja potym pačytaŭ kamientary, pahladzieŭ, što pišuć u telehramie. Tam byli ahresiŭnyja rečy: maŭlaŭ, čamu b nie źvieźci jaho ŭ les i hetak dalej. Nichto nie viedaje, jaki fanatyk moža pračytać taki artykuł», — raskazvaje Matajcis pra svaju reakcyju.

Darus — pradstaŭnik litoŭskaha ofisa kampanii Scanpix Baltix, i mienavita dla jaje fotabanku jon i zdymaŭ akcyju. Dzielicca, što vizit na demanstracyju biełarusaŭ, jaki vyklikaŭ stolki prablem, moh być daremnym: «Kadry pojduć u fotabank, ale heta kali atrymajecca. Fotaaparat [u mianie] užo stary, tamu zamiest jaho ja ŭziaŭ kamieru, tam užo ściamnieła, i jakaść atrymałasia nie vielmi vysokaja».

Na akcyi 25 Sakavika, zhadvaje Matajcis, u jaho nichto nie ŭdakładniaŭ ni imia, ni toje, čamu jon zdymaje akcyju. Litoviec zhadvaje, što nieznajomyja chłopiec i dziaŭčyna kala jaho nibyta rabili vyhlad, što zdymajuć navakolnyja abjekty, ale spynilisia za dva mietry ad jaho i jaŭna zasiarodzili na im uvahu.

Mužčyna pracuje ŭ Scanpix Baltics kala piatnaccaci hadoŭ, dahetul supracoŭničaŭ z navinnymi ahienctvami Reuters i ELTA. Darus — adziny supracoŭnik vilenskaha ofisa Scanpix, tamu kali zdarajecca niešta cikavaje ci važnaje, jon robić fota i videa padziei, kab u arhanizacyi byŭ ułasny kantent pra jaje.

Ź biełarusami dahetul usio ŭ jaho było dobra: «Ja zdymaju akcyi biełarusaŭ z 2020-ha hoda, byŭ kala pasolstva, fatahrafavaŭ Cichanoŭskuju. Kaniečnie, prablem nikoli nie było, my ž u Litvie žyviom».

Iści ŭ sud litoviec ciapier nie źbirajecca, ale nie vyklučaje taho, što pieradumaje.

«Naša Niva» — bastyjon biełaruščyny

PADTRYMAĆ

Sa «špijonam» łukašenkaŭskaha režymu na Dni Voli ŭ Vilni paharačylisia. Jon akazaŭsia litoŭskim žurnalistam

«Bajpoł» prynios prabačeńni litoŭskamu žurnalistu

U vilenskaj palicyi nie pryniali zajavu na imaviernaha «cichara», jaki zdymaŭ udzielnikaŭ Dnia Voli

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Vasilina/adkazać/
29.03.2023
[Red. vydalena]
0
Vadia/adkazać/
29.03.2023
Sierhiej, Kak by ,ulica javlajetsia obŝiestviennym prostranstvom ,kakije mohut byť razriešienija? Śnimaj ,čto chočieš ,nikomu nie miešaja.Eto juridičieski.A tiepieŕ podumaj sam : Vot ty vyšieł na protiest na płoŝad́ s kakoj cielju? Łohično priedpołožiť ,čtoby vyraziť svoje otnošienije k tomu ,ili inomu sobytiju PUBLIČNO. V takom słučaje ,čiem bolšie foto i vidio ,tiem akcija uśpiešnieje.Kakoj žie smysł ,odiev kalsony ,špacirovať vokruh domašnieho unitaza s praporom i łozunhom ŽYVIE BIEŁARUŚ? Vy čto tam kuritie ?
0
Juryst/adkazać/
29.03.2023
Biełarus ź Vilni, Zdymki ŭ hramadskaj prastory rabi ,choć raspražysia.Da raspaŭsiudžańnia ŭ kožnaj krainie majucca svaje abmiežavańni.Naprykład: zdymki tvaraŭ niepaŭnalethhch ,sceny hvałtu i inšaje.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera