SK nazvaŭ adkaznaha za hibiel 12-hadovaha chłopčyka na futbolnaj placoŭcy ŭ Minsku
Zdareńnie adbyłosia dniom 12 listapada na spartyŭnaj placoŭcy kala žyłych damoŭ na vulicy Fohiela. 12-hadovy chłopčyk, jaki hulaŭ u futboł ź siabrami, zaskočyŭ na varoty i pačaŭ razhojdvacca. Pad ciažaram cieła padletka mietaličnaja kanstrukcyja ŭpała prosta na jaho.
Dzicia atrymała ciažkuju čerapna-mazhavuju traŭmu i znachodziłasia ŭ reanimacyi na aparacie štučnaj vientylacyi lohkich, jaho stan aceńvaŭsia jak ciažki. Chłopčyku zrabili apieracyju. Ale vyratavać jaho nie ŭdałosia.
Śledčyja paviedamili, što adkaznaj za techničny stan spartyŭnaj placoŭki źjaŭlałasia 24-hadovaja namieśnica dyrektara KUP «Žyllova-ekspłuatacyjny ŭčastak №1 Pieršamajskaha rajona h. Minska».
«Pahardžajučy svaimi słužbovymi abaviazkami i vyjaŭlajučy krajniuju bieskłapotnaść, abvinavačanaja «zapluščyła vočy» na zajaŭki ad žycharoŭ rajona ab zamacavańni varot. Niepryniatyja miery da aharodžy i praduchileńnia ekspłuatacyi niaspraŭnaha abstalavańnia supracoŭnikam žyllovaj arhanizacyi pryviali da hibieli 12-hadovaha chłopčyka».
Dziejańni žančyny SK kvalifikavaŭ pa č. 2 art. 428 (słužbovaja chałatnaść, jakaja pryviała pa nieaściarožnaści da śmierci čałavieka) Kryminalnaha kodeksa.
Da jaje prymienienaja miera strymańnia ŭ vyhladzie asabistaha paručalnictva.
