Znajści
Ałharytmičny łacinski varyjant
28.03.2023 / 08:35RusŁacBieł

Niepahadź. DAI ŭviała płan «Nadvorje», ruch ciahnikoŭ parušany, prablemy z elektrazabieśpiačeńniem

Siońnia ŭ Biełarusi abvieščany aranžavy ŭzrovień niebiaśpieki z-za mocnaha vietru i apadkaŭ. UDAI HUUS Minharvykankama abviaściła ab uviadzieńni płana «Nadvorje». Na darohach — DTZ, ciahniki iduć sa spaźnieńniem. 

Fota: BiełTA

U stalicy z ranicy idzie intensiŭny śnieh. DAI prosić być uvažlivymi na darohach. 

«Usim udzielnikam darožnaha ruchu treba być vielmi ŭvažlivymi i aściarožnymi! Asnoŭnyja praviły biaśpiečnaha kiravańnia ŭ zimovy čas hoda — źnižajcie chutkaść, pavialičvajcie dystancyju, paźbiahajcie rezkich ruchaŭ i trymajecie šyby i lusterki ŭ čyścini», — papiaredzili ŭ DAI.

Ekipažy DPS aryjentavanyja na akazańnie dapamohi ŭdzielnikam darožnaha ruchu, jakija apynulisia ŭ składanaj situacyi na darozie.

Śniehapad ź vietram pryvioŭ da parušeńnia enierhazabieśpiačeńnia ŭ 124 nasielenych punktach. Pra heta paviedamiła pres-słužba Minenierha.

Prablemy pieravažna nazirajucca ŭ Minskaj vobłaści. Bolš za ŭsio paciarpieli Barysaŭski, Łahojski, Słucki, Červieński rajony.

«Adnaŭlenčyja raboty praciahvajucca ŭ 69 nasielenych punktach. Zadziejničana bolš za 20 adzinak techniki», — raspaviali ŭ Minenierha.

Z-za niespryjalnych umoŭ nadvorja na Minskim čyhunačnym vuźle nazirajucca adchileńni ad hrafiku ruchu pasažyrskich ciahnikoŭ, pra heta paviedamili ŭ pres-słužbie BČ. Tam udakładnili, što čas zatrymki ciahnikoŭ moža skłaści ad 5 chvilin da 1 hadziny.

Na darohach krainy — avaryi. Ich fota publikujuć u sacsietkach. 

Na hrodzienskaj trasie źjechaŭ u kiuviet aŭtobus Minsk — Vilnia.

Śniehapad ź vietram pryvioŭ da parušeńnia enierhazabieśpiačeńnia ŭ 124 nasielenych punktach, paviedamiła pres-słužba Minenierha. Prablemy pieravažna nazirajucca ŭ Minskaj vobłaści. Najbolš paciarpieli Barysaŭski, Łahojski, Słucki, Červieński rajony.

Sinoptyki paviedamlajuć, što śnieh budzie iści ŭvieś dzień.

Čytajcie taksama:

Nie Chaŭjer, ale ŭsio ž. Biełaruś zasypała śnieham FOTY

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera