U Izraili palicyja razahnała pratestoŭcaŭ suprać sudovaj reformy. Prezident Izraila zaklikaŭ spynić sudovuju reformu
U Izraili palicyja razahnała pratestoŭcaŭ suprać sudovaj reformy, jakija pierakryli hałoŭnuju trasu krainy. Spynić reformu zaklikaŭ prezident Izraila Icchak Hiercah.
Pratesty ŭ krainie praciahvajucca niekalki tydniaŭ, demanstranty vystupajuć suprać rašeńnia ŭład pravieści sudovuju reformu, jakaja praduhledžvaje nadańnie ŭradu nieabmiežavanaha kantrolu nad pryznačeńniem sudździaŭ i skaračeńnie paŭnamoctvaŭ Viarchoŭnaha suda.
ירושלים pic.twitter.com/9zPvactvAH
Šašu pierakryli tysiačy ludziej, prykładna praź piać hadzin palicyja pačała prymianiać siłu dla razhonu demanstrantaŭ, piša «Nastojaŝieje vriemia» sa spasyłkaju na miascovyja vydańni. Pamiž pravaachoŭnymi orhanami i pratestoŭcami adbylisia žorstkija sutyknieńni, palicyja prymianiła vadamioty i ślezaciečny haz, pratestoŭcy vykarystoŭvali butelki i kamiani. U sutyknieńniach paciarpieła jak minimum troje palicyjantaŭ.
איילון.
צילום אור אדר pic.twitter.com/xGplLIcTkA
Pa danych krynic haziety The Times of Israel, na fonie ŭzmacnieńnia pratestaŭ premjer-ministr Bińjamin Nietańjachu moža pierahledzieć dalejšaje prasoŭvańnie sudovaj reformy.
איילון עכשיו pic.twitter.com/DQsAgh2zNI
Spynić sudovuju reformu, jakaja vyklikała masavyja pratesty ŭ krainie, zaklikaŭ prezident Izraila Icchak Hiercah. Jon zajaviŭ, što biaśpieka i ekanomika Izraila akazalisia pad pahrozaj. «Źviartajusia da premjer-ministra, členaŭ urada, kampanij i členaŭ kaalicyi: pačućci ciažkija i balučyja… Dziela adzinstva z narodam Izraila, dziela ŭskładzienaj na nas adkaznaści ja zaklikaju vas nieadkładna spynić zakanadaŭčy praces», — napisaŭ izrailski prezident.
Pratesty ŭ Izraili praciahvajucca dvanaccaty tydzień zapar, adnak u noč na 27 sakavika jany ŭspychnuli z novaj siłaj paśla naviny ab źniaćci z pasady ministra abarony Joava Hałanta, jaki zaklikaŭ kiraŭnika ŭrada spynić sudovuju reformu.
Pa słovach arhanizataraŭ, učora na vulicy vyjšła bolš za 600 tysiač demanstrantaŭ. Heta najbujniejšaja akcyja pratestu za ŭsiu historyju krainy.
Prapanavanaja ŭradam Bińjamina Nietańjachu sudovaja reforma praduhledžvaje, što parłamienckaja bolšaść faktyčna budzie vyznačać vybar sudździaŭ Viarchoŭnaha suda, a sam sud stracić mahčymaść admianiać rašeńni ŭrada. Parłamient musić vynieści reformu na hałasavańnie na nastupnym tydni.
Demanstranty ličać, što jaje pryniaćcie budzie aznačać stratu niezaležnaści sudoŭ.
Premjer-ministr Izraila Bińjamin Nietańjachu, abrany ŭ śniežni minułaha hoda, miarkuje, što meta pratestoŭcaŭ — adchilić jaho ad ułady. Niekatoryja z demanstrantaŭ sapraŭdy vystaŭlajuć patrabavańni adstaŭki Nietańjachu. Jon zastupiŭ na pasadu premjer-ministra ŭžo šosty raz u svajoj palityčnaj karjery. Suprać Nietańjachu ciapier zaviedziena try kryminalnyja spravy ab karupcyi, adnak sam jon admaŭlaje vinu.
