Znajści
Ałharytmičny łacinski varyjant
27.03.2023 / 08:45RusŁacBieł

Biełaruś usio bolš hublaje suvierenitet, intehrujecca ŭ rasijskija vajskovyja płany, zjaŭlajecca faktaram ryzyki dla Bałtyjskaha rehijona — MZS Litvy

U suviazi z płanami Rasii raźmiaścić jadziernuju zbroju ŭ Biełarusi Litva zapatrabuje ŭzmacnić sankcyi suprać abiedźviuch krain. Pra heta havorycca ŭ zajavie MZS Litvy.

Raźmiaščeńnie jadziernaj zbroi RF u Biełarusi stvoryć novuju chvalu napružanaści i destabilizacyi ŭ Jeŭropie, adznačyli ŭ litoŭskim viedamstvie.

«My ŭvažliva sočym za situacyjaj vakoł zajavy prezidenta Rasii ab płanach Rasii raźmiaścić u Biełarusi taktyčnuju jadziernuju zbroju i razhladajem heta jak čarhovuju sprobu dvuch niepradkazalnych dyktatarskich režymaŭ pahražać svaim susiedziam i ŭsiamu jeŭrapiejskamu kantynientu.

Heta adčajnyja kroki Pucina i Łukašenki, kab stvaryć čarhovuju chvalu napružanaści i destabilizacyi ŭ Jeŭropie. Takija dziejańni jašče bolš uciahvajuć Biełaruś u vajnu z Ukrainaj i supraćstajańnie z demakratyčnym śvietam. Biełaruś, jakaja ŭsio bolš hublaje suvierenitet, padtrymlivaje i dapamahaje ahresii Rasii, usio bolš intehrujecca ŭ rasijskija vajskovyja plany, źjaŭlajecca dadatkovym faktaram ryzyki dla Bałtyjskaha rehijona.

Razam ź jeŭraatłantyčnymi partniorami Litva budzie vyrašać, jak reahavać na hetyja militarysckija płany rasijskaha i biełaruskaha režymaŭ.

U jakaści adnaho z zachadaŭ reahavańnia Litva budzie zaklikać da novych sankcyj», — havorycca ŭ paviedamleńni MZS Litvy.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera