Upieršyniu ŭ horada Biełarusi zjaviłasia svaja parfuma
Piersanalny vodar stvaryli dla Bresta. Pra heta ŭ svaim telehram-kanale paviedamiŭ staršynia Bresckaha harvykankama Alaksandr Rahačuk.
Uład Rekunoŭ. Fota: Rogachuk / Telegram
Rahačuk raspavioŭ, što na śviacie horada sioleta, 28 lipienia, adbudziecca parfumiernaje šou. Tam budzie prezientavany novy vodar, pryśviečany horadu, jaki atrymaŭ nazvu «Brest».
Stvaralnik parfumy — Uład Rekunoŭ. U majsterni Rekunova stvarali duchi dla Patrysii Kaas, Mirej Maćje, Valeryja Mieładze, Filipa Kirkorava. Duchi Rekunoŭ raspracoŭvaŭ, pavodle Rahačuka, paśla vyvučeńnia historyi i kultury Bresta. Usiaho było stvorana šeść vodaraŭ, ź jakich śpiecyjalnaja kamisija vybrała «samy ŭražalny».
Zaraz dyzajniery raspracoŭvajuć aryhinalnyja fłakon i ŭpakoŭku dla parfumy.
Heta pieršy vypadak, kali ŭ biełaruskaha horada zjavicca svoj vodar.
