Cichanoŭskaja prapanavała stvaryć u Harvardzie stypiendyju dla biełarusaŭ
U piatnicu Śviatłana Cichanoŭskaja i delehacyja Abjadnanaha pierachodnaha kabinieta naviedali Bostan, dzie siarod inšaha byli pryniatyja i ŭ Harvardskim univiersitecie — adnoj z najprestyžniejšych navučalnych ustanoŭ śvietu.
Śviatłana Cichanoŭskaja padčas sustrečy z bostanskimi biełarusami
Padčas vystupu ŭ Harvardzie Cichanoŭskaja prapanavała stvaryć biełaruskuju prahramu, a taksama stypiendyi dla biełaruskich studentaŭ i daśledčykaŭ. Na dumku Cichanoŭskaj, adna z hetych stypiendyj mahła b mieć nazvu imia Alesia Bialackaha.
Padčas vystupu na kanfierencyi Cichanoŭskaja zhadała, što Płan Maršała, dziakujučy jakomu adbudoŭvałasia Jeŭropa paśla Druhoj suśvietnaj vajny, byŭ prydumany i raspracavany ŭ tym liku ŭ ścienach Harvardskaha ŭniviersiteta. «I ciapier novy Płan Maršała nieabchodny dla Biełarusi», — zajaviła Cichanoŭskaja.
Taksama padčas vizitu ŭ Bostan uzdymałasia pytańnie supracoŭnictva z technałahičnymi kampanijami. Cichanoŭskaja adznačyła, što nieabchodna, kab jany błakavali režymnuju prapahandu, dapamahali niezaležnym medyja i supracoŭničali ź biełaruskimi demakratyčnymi siłami.
Čytajcie taksama:
Cichanoŭskaja: My prosim vyratavać Biełaruś ad Łukašenki
Ivonka Surviła: Ja vielmi zadavolenaja, kali baču, što Cichanoŭskuju prymajuć i słuchajuć
