Z čaćviortaj čverci ŭ školnaje mieniu ŭ Minsku ŭklučać pielmieni i chot-dohi
U Minsku, praanalizavaŭšy vopyt dźviuch škoł i himnazii, buduć udaskanalvać sistemu haračaha charčavańnia ŭ školnych stałovych, paviedamlaje ahienctva «Minsk-Naviny». U čaćviortaj čverci va ŭsich škołach Minska płanujecca davać dzieciam pielmieni, kurynyja kryłcy i halonki, rassypistyja kašy i chot-dohi.
Fota ilustracyjnaje
Dyrektar kambinata školnaha charčavańnia Nadzieja Łukaševič kaža, što «ŭsie hetyja novyja stravy vielmi spadabalisia dzieciam».
«Adnak upor my robim nie tolki na ŭklučeńnie novych straŭ, ale i na mahčymaść vybaru, kab štodnia vučań moh addać pieravahu adnamu ź niekalkich varyjantaŭ kompleksaŭ», — skazała Łukaševič. U budučyni ž miarkujecca davać na vybar try abiedziennyja kompleksy.
Paviedamlajecca, što apraŭdałasia ŭklučeńnie ŭ mieniu prypuščanaj harodniny. Na południk dzieciam davali ziarniony tvaroh z roznymi napaŭnialnikami, taksama im padabajucca fasola ŭ tamatnym sousie i makarony.
Čytajcie taksama:
«Rybu lubicie?» Dzieci raskazali Ramanu Hałoŭčanku, što jany lubiać u školnym charčavańni VIDEA
Ekśpierymient pa rearhanizacyi školnaha charčavańnia padoŭžać da kanca navučalnaha hoda
