Hety amierykanski štat pieršym zabaraniŭ dzieciam i padletkam vykarystoŭvać sacyjalnyja sietki ŭnačy
Hubiernatar amierykanskaha štata Juta Śpiensier Koks padpisaŭ dva zakony, jakija abmiažoŭvajuć vykarystańnie niepaŭnaletnimi sacyjalnych sietak biez zhody baćkoŭ. Pra heta piša RBK.
Novyja zakony patrabujuć, kab technałahičnyja kampanii ŭviali «kamiendanckuju hadzinu» dla dziaciej i padletkaŭ z 22:30 da 6:30 pa miascovym časie. U pieryjad «kamiendanckaj hadziny» niepaŭnaletnija nie zmohuć karystacca svaimi akaŭntami ŭ sacsietkach.
Zakony patrabujuć pravierki ŭzrostu ŭsich karystalnikaŭ sacsietak, abaviazvajuć technałahičnyja kampanii davać baćkam abo apiekunam dostup da akaŭntaŭ ich dziaciej, a taksama dazvalajuć padavać sudovyja pazovy ad imia dziaciej, jakija śćviardžajuć, što sacyjalnyja sietki pryčynili im škodu. Akramia taho, novyja praviły abmiažoŭvajuć pakaz rekłamy niepaŭnaletnim.
Zakony pavinny ŭstupić u siłu z sakavika 2024 hoda. Čakajecca, što technałahičnyja kampanii pasprabujuć asprečyć ich pravamiernaść u sudzie.
Niekamiercyjnaja arhanizacyja Electronic Frontier, jakaja vystupaje za pryvatnaść u internecie, zaklikała admovicca ad pryniaćcia zakonaŭ, zajaŭlajučy, što abmiežavańni pa časie i pravierka ŭzrostu pry vykarystańni sacyjalnych sietak parušajuć pravy niepaŭnaletnich na svabodu słova i niedatykalnaść pryvatnaha žyćcia.
Pry hetym praviły, anałahičnyja pryniatym u Jucie, prapanujuć zakanadaŭcy i ŭ inšych štatach, u pryvatnaści, u Arkanzasie, Techasie, Ahaja, Łuizijanie i Ńju-Džersi.
