Znajści
Ałharytmičny łacinski varyjant
24.03.2023 / 13:342RusŁacBieł

Kiraŭnik Kryma stvaryŭ ułasnuju PVK, źviazanuju ź Jaŭhienam Pryhožynym

Na paŭvostravie stvaryli novuju vajenizavanuju strukturu — kamanduje joj pryhožynski kuratar u Afrycy, pišuć «Važnyja historyi».

Čalcy «Kanvoju». Fota: telehram-kanał «Kanvoj»

U sakaviku hetaha hoda kiraŭnik Kryma Siarhiej Aksionaŭ u efiry krymskaha telebačańnia raspavioŭ ab źjaŭleńni ŭ Krymie prafiesijnaha vajskovaha padraździaleńnia: «Chłopcy, jakija prajšli ŭsio što možna, u kiraŭnikoŭ — pa niekalki ordenaŭ Mužnaści, načalnik štaba — Hieroj Rasii».

Krychu raniej u telehram-kanale z nazvaj «Kanvoj» było apublikavana videa — na im Aksionaŭ inśpiektuje pazicyi novaha padraździaleńnia.

PVK «Kanvoj» — adnosna novaje pryvatnaje vajskovaje padraździaleńnie. Jaho adnajmienny kanał u telehramie byŭ stvorany ŭ listapadzie minułaha hoda.

Naroŭni z zaklikami ŭstupać u PVK i fatahrafijami i videa ź pieradavoj tam taksama publikujucca fiłasofskija teksty pra «mocnuju pravasłaŭnuju Rasiju» i «ŭkrainskich satanistaŭ», «narod-pieramožcu»; kanśpiratyŭnyja teoryi pra toje, jak Rakfielery vykupili sistemu vodazabieśpiačeńnia va Ukrainie i ciapier «z dapamohaj śpiecyjalnaha chimičnaha sastavu paralizujuć tyja ŭčastki mozha, jakija adkazvajuć za identyfikacyju čałavieka».

Farmalna «Kanvoj» — heta bajavy armiejski rezierv, jaho čalcy zaklučajuć dva kantrakty — adzin z «Kanvojem», druhi — ź Ministerstvam abarony. Heta dazvalaje mieć harantavanyja vypłaty ŭ vypadku ranieńnia abo śmierci. Surazmoŭca «Važnych historyj» atrymlivaŭ, pa jaho słovach, kala 200 tysiač u miesiac (kala 2,6 tysiačy dalaraŭ), kamandavańnie — 300 tysiač (kala 3,9 tysiačy dalaraŭ). Akramia hetaha, tym, chto prasłužyć u padraździaleńni hod, abiacajuć ziamlu «ŭ Krymie abo Abchazii».

Na momant, kali PVK pačynała farmavacca i tudy ŭładkavaŭsia surazmoŭca «Važnych historyj», u składzie padraździaleńnia było kala 300 čałaviek.

Siońnia pazicyi «Kanvoju» znachodziacca ŭ susiedniaj z Krymam Chiersonskaj vobłaści.

Kiraŭnik Kryma Siarhiej Aksionaŭ na pazicyjach «Kanvoju». Fota: telehram-kanał Aksionava

Jak vynikaje z repartažu telekanała VHTRK, u padraździaleńnia jość ciažkaja technika — tanki T-80 i T-90 i navat svaja radyjoelektronnaja raźviedka.

«Pa materyjalnym zabieśpiačeńni naohuł nijakich prablem. Vydali broniekamizelki, kaski, akulary, palčatki, bałakłavy, zaplečniki rejdavyja, uvohule, usio. Try kamplekty rečaŭ», — kaža «Važnym historyjam» były člen PVK.

Trenirovačny palihon «Kanvoju» znachodzicca ŭ vioscy Pieravalnaje pad Krymam, što vynikaje ź infarmacyi, apublikavanaj u adnym z čataŭ, dzie kantaktujuć dobraachvotniki. U hetym krymskim pasiołku ŭ 80-ja hady znachodziŭsia 165-y navučalny centr pa padrychtoŭcy zamiežnych vajskoŭcaŭ. Ciapier takaja ž nazva — u navučalnaha centra pa padrychtoŭcy snajpieraŭ u Krymie. U składzie «Kanvoju» jość snajpierskaje padraździaleńnie, raspavioŭ jaho były ŭdzielnik (na momant, kali jon vajavaŭ u składzie hetaj PVK, u padraździaleńni było piać snajpieraŭ).

Chto taki «Mazaj»

Kamandzir «Kanvoju» maje pazyŭny «Mazaj». U im možna apaznać Kanstancina Pikałava — pravuju ruku Pryhožyna, kuratara PVK «Vahnier» u Afrycy.

Kanstancin «Mazaj» Pikałaŭ. Skrynšot videa «Rasija 24»

Upieršyniu ab «Mazai» stała viadoma paśla sumiesnaha rasśledavańnia vydańniaŭ Bellingcat i Insider. Pavodle materyjału, jon kuryravaŭ pryhožynskich palittechnołahaŭ na Madahaskary i ŭ Centralnaafrykanskaj Respublicy. U pierapiscy pamiž supracoŭnikami «Mazaj» apisvajecca jak adziny čałaviek u CAR, jaki biez strachu i na roŭnych razmaŭlaje z Pryhožynym.

Raniej Pikałaŭ słužyŭ u Minabarony, u vajskovaj čaści pad Sankt-Pieciarburham, a paśla vychadu na piensiju staŭ saŭładalnikam i kiraŭnikom detektyŭnaha ahienctva.

Sam kiraŭnik Kryma Aksionaŭ padtrymlivaje Pryhožyna i staŭ na jaho bok u kanflikcie ź Minabarony Rasii.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Josik/adkazać/
24.03.2023
Dzie stolki hrošaj biaruć na hetyja PVK? Kožny pucinski patryjot choča sabie PVK.
0
Nastradamus/adkazać/
24.03.2023
Hotoviaťsia k razvału. Kto možiet sozdajot svoi armii, čto by oboroniať svojo i pri vozmožnosti ottiapať čužoje.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera