Znajści
Ałharytmičny łacinski varyjant
23.03.2023 / 10:303RusŁacBieł

Były palitźniavoleny Lavon Chałatran z partniorami adkryvaje ŭ Varšavie bar

Lavon Chałatran da źniavoleńnia kiravaŭ dvuma minskimi barami. Ciapier jon viartajecca da lubimaj spravy, ale ŭžo ŭ Varšavie.

Lavon Chałatran — sprava. Fota: archiŭ saŭładalnikaŭ bara

Razam z adnadumcami Lavon Chałatran adkryvaje ŭstanovu pad nazvaj BackDoor Bar. Zasnavalniki minskaha adnajmiennaha bara pierajechali ŭ Varšavu i siarod ciapierašnich partnioraŭ Lavona.

BackDoor u Minsku byŭ pradadzieny inšym ułaśnikam i nie maje dačynieńnia da varšaŭskaha (bar z takoj ža nazvaj u Batumi taksama asobnaja historyja).

Dla Lavona heta ŭžo nie pieršy dośvied u barnym biznesie. U Minsku jon mieŭ bar «DK» na vulicy Tałbuchina i taksama kiravaŭ ustanovaj Ruin Bar u prastory OK16. 

Farmat novaha bara vielmi padobny da jaho minskaha papiarednika, tamu ŭłaśniki i pakinuli nazvu. Haściam buduć prapanoŭvać burhiery i piva, a taksama pakazvać spartovyja tranślacyi. Mahčyma, buduć ładzić viečaryny i nievialikija vystupy. To-bok heta budzie nie načny kłub, a chutčej tusovačnaja prastora.

Fota: archiŭ saŭładalnikaŭ bara

Ideja adkryć bar pryjšła da jaho saŭładalnikaŭ u listapadzie minułaha hoda. Niejki čas jany šukali pamiaškańnie i narešcie pačali pracu ŭ budučym bary 10 lutaha. Saŭładalniki raspaviadajuć, što dobraje pamiaškańnie ŭ Varšavie znajści davoli ciažka: pa-pieršaje, nie razumieješ, jak šukać, pa-druhoje, nie viedaješ dastatkova polskuju movu. Taksama ŭ Varšavie šmat pamiaškańniaŭ, jakija vidavočna pustujuć, ale niama ni abjaŭ, ni telefonaŭ, pa jakich možna zapytać nakont arendy. U dziaržavy jość svaje płoščy, ale zvyčajna jany ŭ duža drennym stanie i patrabujuć vialikich hrašovych układańniaŭ.

Zasnavalniki BackDoor znajšli pamiaškańnie dla bara praz olx.pl — polski sajt z abjavami. Heta było miesca, dzie ŭžo pracavała kaviarnia pad nazvaj «Randevu», aformlenaja pad styl nulavych — ź bliskaŭkami, štučnymi kvietkami i hipsakardonam paŭsiul. Daviałosia łamać usio heta i dekaravać pamiaškańnie nanava. Łakacyja — centralny varšaŭski rajon Śródmieście, samy centr piešachodnaj vulicy.

Ułaśniki bara nie stvarali svaju jurasobu (bo, jak u pryjezdžych, byli prablemy z adkryćciom pad jaje rachunku ŭ banku), a nabyli ŭžo hatovuju razam z pamiaškańniem.

«Heta troški daražej, ale našmat zručniej, bo adrazu jość usie dakumienty, licenzii i raznastajnyja arendnyja damovy. Kali kuplaješ jurasobu razam z pamiaškańniem, heta moža kaštavać ad 30 tysiač złotych (amal $7000)», — razvažaje adna z saŭładalnic bara Nasta Vierabiej.

Nasta Vierabiej. Fota: archiŭ saŭładalnikaŭ bara

Ciapier u budučym bary farbujuć ścieny, a taksama rychtujuć dla jaho meblu i abstalavańnie. Adkryć spadziajucca ŭ krasaviku. Suzasnavalniki raskazvajuć, što košt adkryćcia bara ŭ Varšavie duža adroźnivajecca ŭ zaležnaści ad taho, jakija ŭmovy ŭ pamiaškańni i nakolki jaho treba adaptavać pad tvaje patreby: naprykład, ci treba nanava pravodzić kanalizacyju, aciapleńnie, vodazabieśpiačeńnie i vientylacyju.

U vypadku z BackDoor ułaśnikam dastałasia hatovaje pamiaškańnie, tamu jany pazbaŭlenyja častki vydatkaŭ: naprykład, tam jość kanalizacyja i vientylacyja. Na bar vydatkavali ŭžo niedzie kala 30 tysiač dalaraŭ, ale napieradzie jašče šmat pracy.

«Naša Niva» — bastyjon biełaruščyny

PADTRYMAĆ

«Vydatki atrymalisia kałasalnyja». Biełarusy adkryli džyn-tonik bar u Varšavie — tam možna jeści ikru łyžkami

Biełarus adkryŭ bar kraftavaha piva na Madejry i raskazvaje, kolki prynosić hetaja radaść

Ź siencami i sapraŭdnaj piečču ź lažankaj. Voś jak by siońnia vyhladaŭ modny taŭnchaŭs, kali b u im byli pamiaškańni i zony jak u biełaruskaj chacie

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
2
Pracoŭny/adkazać/
23.03.2023
A našyja niejkija vytvorčaści zapuskajuć ci tolki "vypić-zakusić"?
1
dočka Maksima Dizajniera/adkazać/
23.03.2023
hospadie božie moj
pośle vot etoho vot -
nashaniva.com/312411
prosto miečtaju pojti jeŝie i v etot bar
0
rom/adkazać/
23.03.2023
[Red. vydalena]
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera