Znajści
Ałharytmičny łacinski varyjant
21.03.2023 / 18:012RusŁacBieł

«U adkaz na «nichto ź ich nie byŭ asudžany» — usie jany albo paŭstali pierad sudom, albo pamierli». Juryst pra ordar na Pucina

Vydača Pucina naŭrad ci adbudziecca, pakul jon źjaŭlajecca dziejnym kiraŭnikom dziaržavy, ale vydača ordara na jaho aryšt Mižnarodnym sudom maje nastupstvy ŭžo ciapier, razvažaje ŭ fejsbuku ekśpiertka ŭ mižnarodnym pravie Kaciaryna Dejkała.

Uładzimir Pucin vystupiŭ sa zvarotam da Fiederalnaha schodu Rasii 21 lutaha 2023 hoda. Kadr ź videa

Kaciaryna Dejkała źviartaje ŭvahu na toje, što hieahrafija krain, čyj abaviazak zatrymać Pucina, kali toj źjavicca na ich terytoryi, vielmi šyrokaja. Heta 123 krainy, ź ich 33 — Afryka, 19 — Azija i Cichaakijanski rehijon, 28 — Łacinskaja Amieryka, 18 — Uschodniaja Jeŭropa, 25 — Zachodniaja Jeŭropa i inšyja.

«Tak, jość vypadak al-Bašyra, jaki «pad ordaram» jeździŭ u paračku afrykanskich krain-udzielnic Statuta, jakija admovilisia supracoŭničać z sudom i jaho nie vydali. Tym nie mienš, usie pieramiaščeńni takoj asoby adsočvajucca i ab admovie supracoŭničać u vypadku niavydačy MUS paviedamlaje ŭ Radu biaśpieki AAN. Heta ŭsio fiksujecca. Naprykład, PAR (dzie ŭ žniŭni płanujecca samit BRIKS) zajaviła ab tym, što «pamiataje pra svaje jurydyčnyja abaviazacielstvy, źviazanyja z ordaram na aryšt, vydadzienym Mižnarodnym kryminalnym sudom u Haazie», — piša jurystka. 

Ordar na aryšt zastajecca ŭ sile datul, pakul Mižnarodny sud nie rasparadzicca ab inšym. U dačynieńni da Pucina kazałasia, što ordar budzie dziejničać pažyćciova, pakul Pucin nie paŭstanie pierad sudom. 

Dejkała zhadvaje dziejnych i byłych kiraŭnikoŭ dziaržaŭ, na jakich byli vydadzienyja ordary na aryšt mižnarodnymi sudami i trybunałami.

«Al-Bašyr byŭ aryštavany praz 10 hadoŭ paśla vydačy ordara novaj uładaj, jakaja jaho zrynuła, novaja ŭłada pahadziłasia vydać jaho MKS. Pry zaklučeńni mirnaj damovy z paŭstancami było praduhledžanaje stvareńnie śpiecyjalnaha vajennaha trybunała, u tym liku i dla al-Bašyra. Ciapier vyrašajecca pytańnie, dzie mienavita jaho buduć sudzić.

Kadafi, skinuty i zabity paŭstancami, nie dažyŭ da vykanańnia ordara. Hbahbo paŭstaŭ pierad sudom, byŭ apraŭdany. Tejłar asudžany da 50 hadoŭ, adbyvaje pakarańnie. Miłošavič paŭstaŭ pierad sudom, pamior, nie dažyŭšy da prysudu.

Takim čynam, u adkaz na «nichto ź ich nie byŭ asudžany» — usie jany albo paŭstali pierad sudom, albo pamierli, albo i toje, i druhoje.

Asnoŭnaja zadača ŭ hetym vypadku (u tym liku i z Łukašenkam) — kab hetyja ludzi paŭstali pierad kampietentnym sudom, jaki arhanizavany ŭ adpaviednaści z pryncypam spraviadlivaha sudovaha razboru.

Vynik: heta žyćcio z vyrazna akreślenymi da kanca žyćcia pierśpiektyvami. Mała miesca dla manieŭru, praktyčna niama kudy biehčy paśla źviaržeńnia, śmierć abo aryšt».

Admietna, što ŭpieršyniu ordar vydadzieny na dziejnaha kiraŭnika dziaržavy — člena Rady biaśpieki AAN, jadziernaj dziaržavy.

«Zrazumieła, što paśla pačatku vajny Pucin i Rasija — izhoi ŭ bolšaści like-minded dziaržaŭ i biez ordara. Tym nie mienš, ź vialikaj dolaj vierahodnaści vykažu zdahadku, što

hety ordar paŭpłyvaje na adnosiny Rasii ź inšymi dziaržavami, z tymi, dla kaho «nie ŭsio tak adnaznačna» i tymi, chto hulaje svaju hulniu. U tym liku z krainami poŭdnia. Nu i, viadoma, adnaznačna heta padymie staŭki dla tych, ad kaho zaležnaja sama Rasija — Kitaj.

Nieabdumana było, viadoma, mierkavać, što Si admienić svoj vizit paśla naviny pra ordary (niekatoryja analityki pisali pra heta), ale, jość razumnyja padstavy mierkavać, što jon, viadoma, pryniaŭ heta da viedama i budzie vykarystoŭvać u svaich intaresach. Naturalna, nie ź lubovi da zakona. Pry hetym, važna skazać i adnosna «tych, chto vyznačyŭsia». Dumaju, što heta istotna moža paŭpłyvać i na papulisckuju rytoryku niekatorych zachodnich palityčnych siłaŭ, jakuju prykryvajuć pacyfizmam».

Kaciaryna Dejkała miarkuje, što taki krok Zachadu taksama ŭzmocnić paranoju Pucina i padymie staŭki va ŭnutranaj baraćbie.

«Tamu što hety ordar aznačaje, što ŭ lubych patencyjnych apanientaŭ, pierajemnikaŭ i h.d. Pucina jość dadatkovy (pažyćciovy) kozyr vydačy jaho MUS paśla źviaržeńnia. I tut zusim nie važna, što Rasija nie bok Rymskaha statuta. Supracoŭničać z sudom u paradku dobraj voli nie zabaroniena nikomu», — adznačaje Dejkała.

Čytajcie taksama:

Samy niečakany krok Zachadu. ŚMI vyśvietlili, što ŭ administracyi prezidenta RF dumajuć pra ordar na aryšt Pucina

«Važna, kab praces byŭ zapuščany». Viačorka — pra vydaču ordara na aryšt Łukašenki

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Abu/adkazać/
21.03.2023
Viernamu vasału haniebna adstavać ad siuzierena. Jon moh by skrasić jamu samotnyja zimnija viečary ŭ haahskaj kamiery.
5
Nievierajatnyja takija nievierajatnyja/adkazać/
21.03.2023
Ordar na Łukašenku nie vydaduć, chopić užo maryć!
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera