Znajści
Ałharytmičny łacinski varyjant
20.03.2023 / 15:018RusŁacBieł

U Rasii zaviali kryminalnuju spravu na sudździaŭ MKS u Haazie paśla ordara na aryšt Pucina

Śledčy kamitet Rasii paviedamiŭ pra adkryćcio kryminalnaj spravy suprać prakurora i sudździaŭ Mižnarodnaha kryminalnaha suda ŭ Haazie, jaki ŭ piatnicu abviaściŭ pra rašeńnie pryciahnuć da adkaznaści prezidenta Rasii za departacyju ŭkrainskich dziaciej i vydaŭ ordar na jaho aryšt.

 

Uładzimir Pucin. Kadr ź videa

Jašče ŭ piatnicu kiraŭnik SKR Alaksandr Bastrykin daručyŭ pravieści pravierku ŭ suviazi z rašeńniem MKS, jakoje admovilisia pryznavać lehitymnym u Kramli. Rasija ŭ cełym nie pryznaje jurysdykcyju Mižnarodnaha suda ŭ Haazie. Ciapier SK dakładvaje, što sprava zaviedzienaja.

«Śledčy kamitet Rasii raspačaŭ kryminalnuju spravu ŭ dačynieńni da prakurora Mižnarodnaha kryminalnaha suda Karyma Achmad Chana (Karim Ahmad Khan), sudździaŭ Mižnarodnaha kryminalnaha suda Tamoka Akane (Tomoko Akane), Razaryjo Salvatoru Ajtały (Rosario Salvatore Aitala) i Sierchia Chierarda Uhalde Hadzinesa (Sergio Gerardo Ugalde Godinez)», — havorycca ŭ zajavie ŭ telehram-kanale SKR.

SKR śćviardžaje, što pieraśled prezidenta Uładzimira Pucina i dziciačaha ambudsmiena MKS nosić zahadzia niezakonny charaktar, bo padstaŭ dla pryciahnieńnia da kryminalnaj adkaznaści nie majecca.

Miž tym, hałoŭny prakuror Mižnarodnaha kryminalnaha suda ŭ Haazie Karym Chan zajaviŭ, što vydadzieny ŭ Haazie ordar na aryšt prezidenta Rasii Uładzimira Pucina zjaŭlajecca pažyćciovym.

«Ludzi, dzie b jany ni byli, pavinny razumieć, što jość zakon i što z uładaj prychodzić adkaznaść. Dla vajennych złačynstvaŭ niama terminu daŭniny», — zajaviŭ jon u efiry BBC Radio 4.

Pa słovach Chana, ordar na aryšt mohuć adklikać tolki ŭ tym vypadku, kali Pucin paŭstanie pierad sudom i sudździ zakryjuć spravu.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Bhagawan/adkazać/
20.03.2023
Jak heta ŭvohule razumieć?
0
Pietr/adkazać/
20.03.2023
Tak drony ž raźletaliś. Boitsia haahskij priestupnik.
0
Nie pomožiet/adkazać/
20.03.2023
V hłazach riadovych rośsijan, ispoviedujuŝich rašizm, nado vyhladieť mačo...., no, nie pomožiet.
Naš tožie, to dievok na bachčie łapajet, to trieniki na podtiažkach nosit, to v majkie ałkoholičkie učit žiźni vieś mir, a kak był nikiem za priediełami Aleksandrii, tak takim i pomriot. Chotia, narabotał na počiotnoje miesto na skamje podsudimych riadom s kriemlovskim okurkom.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera