Znajści
Ałharytmičny łacinski varyjant
20.03.2023 / 00:1823RusŁacBieł

«Ci Ukraina abaronić siabie, ci my budziem vymušanyja ŭstupić u hety kanflikt». Słovy pasła Polščy ŭ Francyi narabili šumu

Polski pasoł u Francyi Jan Emieryk Raścišeŭski zajaviŭ, što ŭ vypadku parazy Ukrainy ŭ ich «nie zastaniecca inšaha vybaru».

Jan Emieryk Raścišeŭski. Fota: tvitar pasolstva Polščy ŭ Francyi

«Heta nie NATA, heta nie Polšča, heta nie Słavakija pavialičvajuć cisk, heta Rasija, jakaja napała na Ukrainu, heta Rasija, jakaja zachoplivaje terytoryi, heta Rasija, jakaja zabivaje ludziej, heta Rasija, jakaja vykradaje ŭkrainskich dziaciej.

Takim čynam, abo Ukraina abaronić siabie, abo, kali nie, my budziem vymušanyja ŭstupić u hety kanflikt, tamu što našy hałoŭnyja kaštoŭnaści, jakija byli asnovaj našaj cyvilizacyi, našaj kultury, buduć u niebiaśpiecy. Tamu ŭ nas nie zastaniecca inšaha vybaru, akramia jak ustupić u kanflikt»,

— skazaŭ pasoł Polščy ŭ Francyi Jan Emieryk Raścišeŭski ŭ efiry kanała LCI, piša Rzeczpospolita.

Paśla taho, jak słovy dypłamata šyroka raźlacielisia, pasolstva Polščy ŭ Francyi paprasiła nie šukać siensacyj i ŭličvać kantekst skazanaha. Jano zaŭvažyła, što ŭ intervju Raścišeŭski arhumientavaŭ nieabchodnaść padtrymki Ukrainy i davodziŭ pra pahrozu z boku Rasii dla Jeŭropy.

«Uvažlivaje prasłuchoŭvańnie ŭsioj razmovy daje zrazumieć, što nie było abjavy ab pramym uciahvańni Polščy ŭ kanflikt, a tolki papiaredžańnie ab nastupstvach, jakija moža mieć paraza Ukrainy, — mahčymaść napadu Rasii abo ŭciahvańnia ŭ vajnu bolšaj kolkaści centralnajeŭrapiejskich krain — krain Bałtyi i Polščy», — skazana ŭ zajavie pasolstva.

Tam padkreślili, što apošni hod namahańni Polščy skiravanyja na toje, kab dapamahčy Ukrainie pieramahčy ŭ vajnie i kab kanflikt nie nabližaŭsia da Jeŭropy i Polščy.

Čytajcie taksama:

Andžej Duda: Polšča pieradaść Ukrainie čatyry MiH-29 ciaham pary dzion

Azaraŭ raskazaŭ pra bajcoŭ «Bajpoła», jakija adpravilisia va Ukrainu

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Mojša/adkazać/
21.03.2023
Žvir, kab niemcy nie žadali vajavać to jany b zachapili ŭsiu Eŭropu? Chotiat li ruskije vojny? Chotiat. Niuansy važny dla razumnych bo kali my havorym bieź niuansaŭ to heta prosta demahohija.
0
Mojša/adkazać/
21.03.2023
Žvir, a pry čym tut NATO, jany akreślili svaju pazicyju i vajavać za Ŭkrainu nia buduć ale dapamohuć resursami, za Biełaruś vykažuć čarhovuju zaniepakojenaść.
0
Žvir/adkazać/
21.03.2023
Mojša, vy ŭ svaim rozumie ? Ci zdolny vy ŭvohule razumieć prosty tekst ? Vy ćvierdzicie, što Biełaruś "mohuć tudy ŭciahnuć suprać voli naroda!". U Biełarusi apošnim časam usio, što nie było zroblena, usio suprać voli naroda. To bok, heta sapraŭdy mahčyma. A čym budzie źjaŭlacca takaja vajna, akrom jak vajnoj ?.... Prabačcie, ale, kali łaska, nie čytajcie maje kamentary, i nie čaplajcie mianie "vietram" z vašaj pustoj hałavy.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera