PAR, dzie čakaŭsia vizit Pucina, pryniała da viedama ordar na jaho aryšt
Čakałasia, što Uładzimir Pucin naviedaje 15-y samit BRIKS u Paŭdniova-Afrykanskaj Respublicy ŭ žniŭni. Aficyjnaha paćviardžeńnia hetaha vizitu nie było.
Uładzimir Pucin i prezident PAR Sirył Ramafosa. Fota: pres-słužba prezidenta RF
17 sakavika Mižnarodnym kryminalnym sudom byŭ vydadzieny ordar na aryšt Pucina.
«My, jak urad, uśviedamlajem našy jurydyčnyja abaviazańni. Adnak da samitu my budziem praciahvać uzajemadziejničać z roznymi zacikaŭlenymi bakami. My prymajem da ŭvahi spravazdaču ab ordary na aryšt, jaki vydaŭ Mižnarodny kryminalny sud», — zajaviŭ Reuters śpikier prezidenta Vincent Mahvieńja.
Urad prezidenta PAR Siryła Ramafosa raniej nie asudziŭ Rasiju za raźviazvańnie poŭnamaštabnaj vajny va Ukrainie.
Mahvieńja dadaŭ, što PAR zachoŭvaje prychilnaść i vielmi mocnaje žadańnie, kab kanflikt va Ukrainie byŭ vyrašany mirna šlacham pieramoŭ.
Čytajcie taksama:
U Mižnarodnym kryminalnym sudzie vydali ordar na aryšt Uładzimira Pucina
«Nie maje nijakaha značeńnia dla nas». Ułady Rasii adreahavali na ordar na aryšt Pucina
