Praryŭny prajekt: vyjšaŭ u śviet pieršy numar navukova-papularnaha časopisa pa-biełarusku
Časopis «Pamyłka» stvaryła hrupa entuzijastaŭ z metaj papularyzacyi navukovych viedaŭ na biełaruskaj movie.
Praca nad pieršym numaram viałasia paŭtara hoda. Siabry jaho kamandy volaj losu raskidany pa ŭsim śviecie. Ale jany zdoleli realizavać zadumanaje. Sami vystupili ŭ jakaści aŭtaraŭ i ilustrataraŭ.
Z materyjałaŭ pieršaha numara možna daviedacca pra ŭradženca Biełarusi, adnaho z kiraŭnikoŭ paŭstańnia 1863—64 hadoŭ Uładzisłava Małachoŭskaha, jakoha ličać stvaralnikam pratatypa fotaaparata «Kodak».
U inšym artykule ŭ dastupnaj formie raspaviadajecca historyja takoha vynachodnictva, jak elektronna-pramianiovaja trubka, dziakujučy jakomu źjaviłasia telebačańnie.
Čytačy taksama daviedajucca, pry jakich fizičnych umovach mahčyma źmiaścić limuzin u haražy dla «Falksvahiena-žuka» i paznajomiacca z takim novym sposabam zdabyvańnia elektraenierhii, jak hravitacyjnaja batareja. Darečy, aŭtar prapanoŭvaje rašyć niekalki zadač dla zamacavańnia viedaŭ.
Znajšłosia miesca ŭ časopisie i dla razvah ab prablemach sučasnaj aptekarskaj vytvorčaści i raskryćcia vizualnych padmanaŭ staražytnahreckich architektaraŭ.
Niečakanym dla źmiestu navukova-papularnaha časopisa padajecca raździeł «Mastactva». Adnak nie treba śpiašacca z vysnovami. Srodkami mastactva možna ilustravać hučańnie času. Što i dakazvaje mastačka Alena Machnač.
Čamu takaja dziŭnaja nazva časopisa? Bo viadoma, što luboje navukovaje adkryćcio pačynajecca z pamyłki.
Kamanda zaprašaje achvotnych pisać pra navuku i stać častkaj supolnaści časopisa. Taksama vitajecca ŭdzieł mastakoŭ dla ilustravańnia artykułaŭ.
Čytajcie jašče:
Kamanda prajekta Politzek.me zapuskaje časopis Politzek Times
prosta nie liču, što taki ŭkład žyćcia, pa prykładzie ahurkovych karalej - heta dobra dla Biełarusi i ŭvohule śvieta ŭ 21 stahodzi
patłumačyć, čamu? ci sami viedajecie?)