U Ściapiancy sioleta pačnuć budavać try šmatpaviarchoviki
Budaŭnictva troch žyłych šmatpaviarchovikaŭ u miežach vulic Karvata — Hieałahičnaja — Vysokaja — Suviazistaŭ płanujecca pačać u trecim-čaćviortym kvartale 2023 hoda, pišuć «Minsk-Naviny».
U kožnym domie budzie pa 133 kvatery.
— Na ŭčastku, dzie razhorniecca budaŭnictva, užo zaviaršyli znos budynkaŭ, jakija byli tam. Ciapier na terytoryi ad vulicy Suviazistaŭ da vulicy Hieałahičnaj pravodzim pašyreńnie prajeznaj častki da čatyroch pałos, — raspaviali ŭ rajonnaj administracyi.
Usiaho ŭ miežach vulic Karvata — Hieałahičnaja — Vysokaja — Suviazistaŭ pavinny źjavicca vosiem novabudoŭlaŭ ahulnaj płoščaj 64 tys. m kv. Zaraz idzie budaŭnictva dvuch šmatpaviarchovikaŭ. Ich uzvodzić pryvatny zabudoŭščyk na kamiercyjnaj asnovie. U hmachu № 16 pa hienpłanie praduhledžana 112 kvater, ahulnaja płošča jakich 6393 m kv. U domie № 11 budzie 133 kvatery sumarnaj płoščaj 7589 m kv. Zdać hetyja abjekty majuć namier u druhim kvartale 2023 h.
Akramia taho, u rajonie vulicy Hieałahičnaj źjavicca dvuchuzroŭnievy parkinh z płoskasnaj aŭtastajankaj.
