Znajści
Ałharytmičny łacinski varyjant
20.03.2023 / 20:173RusŁacBieł

Źjaviłasia niejrasietka, jakaja zrobić vietlivym luboje hnieŭnaje pasłańnie z abrazami. Vyprabavali jaje na vykazvańniach łukašystaŭ

Jak by mahli vyhladać «akulturanyja» Azaronak i Špakoŭski.

Zusim niadaŭna byŭ stvorany novy štučny intelekt, jaki moža pieratvaryć lubyja hnieŭnyja i maciukalnyja napadki ŭ vietlivyja i vychavanyja zvaroty.

Niejrasietka PolitePost pieršapačatkova była stvorana dla źmiakčeńnia pracoŭnych elektronnych pierapisak, adnak joj možna pasprabavać znajści prymianieńnie absalutna ŭ lubych žyćciovych situacyjach, kali ciažka siabie strymlivać.

My vyrašyli jaje pratestavać na vykazvańniach łukašystaŭ.

Prahrama pry ŭvodzie infarmacyi, akramia anhlijskaj movy, dobra ŭsprymaje biełaruskuju i ruskuju movy, adnak vyniki usio roŭna vydaje na anhlijskaj. Dla zručnaści na skrynšotach my pierakładali ich praz ubudavany ŭ braŭzer pierakładčyk ad Google.

Dla lepšaj jakaści skrynšotaŭ (asabliva, kali vy čytajecie hety materyjał z telefona) rekamiendujem vam na ich nacisnuć.

Łukašenka: «Nie hnida, a vydatny lidar»

Spačatku my vyrašyli pravieryć mahčymaści hetaj niejrasietki na niadaŭnim abraźlivym vykazvańni Alaksandra Łukašenki, u jakim toj abazvaŭ prezidenta Ukrainy Uładzimira Zialenskaha «hnidaj».

Pa vyniku prahrama nie prosta źmiakčyła rytoryku Łukašenki, ale i ŭvohule zrabiła jaje vielmi praŭkrainskaj. 

Špakoŭski: «Ja łaskava prašu nas ustrymacca ad prynižalnych vyrazaŭ»

Nie adychodziačy daloka ad temy abrazy Zialenskaha, my pahladzieli, jak niejrasietka papracuje z prapahandystam Alaksandram Špakoŭskim. 

My ŭziali jaho kamientar da vyšejzhadanaha vykazvańnia Łukašenki, u jakim Špakoŭski kaža, što Łukašenka nie davaŭ harantyj adnosna niedatykalnaści kiraŭnictva Ukrainy. 

Niejrasietka pradstaviła svoj varyjant pavodzin prapahandysta, pry jakim jon zaklikaje prychilnikaŭ režymu «ŭstrymlivacca ad abraz i pavažać hodnaść usich ludziej», a taksama adznačaje, što «Łukašenka nikomu ź ich nie davaŭ abiacańniaŭ ich abaraniać».

Azaronak: «Padtrymlivajcie samyja vysokija standarty sumlennaści i prazrystaści»

Samo saboj nie abyšłosia biez Ryhora Azaronka. Pasprabavali «akulturyć» adno ź jaho vykazvańniaŭ. 

My ŭziali jaho reakcyju na niadaŭni aryšt niekalkich biełarusaŭ u Polščy, jakich abvinavačvajuć u pracy na rasijskuju vyviedku. U aryhinale Azaronak adkryta kidajecca ŭ maciuki i abvinavačvaje biełaruskija niezaležnyja ŚMI ŭ adsutnaści praŭdy.

Niejrasietka nastolki «akulturyła» prapahandysta, što jon staŭ raić svaim paplečnikam «padtrymlivać samyja vysokija standarty sumlennaści i prazrystaści, a taksama nie kidacca ŭ abrazy i abvinavačvańni biez najaŭnaści jakich-niebudź dokazaŭ».

Važna adznačyć, što na momant publikacyi dadzienaha artykuła štučny intelekt PolitePost užo paśpieŭ abnavicca da novaj viersii. U joj niejrasietka pry adkazie na zvaroty karystalnikaŭ stała stroha prytrymlivacca farmatu i praviłaŭ pracoŭnaj elektronnaj pierapiski.

Heta aznačaje, što atrymlivać prostyja i karotkija «akulturanyja» vyniki biez aficyjnaha afarmleńnia (jak heta było z prykładam źmieny vykazvańnia Łukašenki) ciapier budzie nielha.

Čytajcie taksama:

Łukašysty pačali papularyzavać vahnieraŭskuju kuvałdu

Krasamoŭna. Što łukašenkaŭskija kanały napisali pra vybuchi ŭ Mačuliščach

«Jany ŭ nas pad prasłuškaj. Ale ni**ia tam niama, jany telefony z saboju nie biaruć». Jak siłaviki raźbiralisia z Novaj Baravoj i Dziaržynskam — źliŭ

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
nieŭrasietka/adkazać/sačyć
20.03.2023
Red. niejrasietkaj usio nijak nahulacca nie moža
20.03.2023
Čto eto za bried? Takoje niesti dažie II nie sposobien. Eto inścienirovka.
20.03.2023
Hryša, tapi! Ty zmožaš! Razradzisia takim, što nijakaja sataninskaja niejrasietka ciabie nie adoleje. Pieramažy sietku i zamknisia nazaŭždy, bo ŭsio, što ty skažaš paśla, budzie horš.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera