Znajści
Ałharytmičny łacinski varyjant
19.03.2023 / 12:204RusŁacBieł

Čya-pudynh — desiert, jaki zapomnicca

Hety pierakus bahaty na białok, klatčatku i karysnyja tłuščy, a hatujecca litaralna z troch inhredyjentaŭ.

Fota: Pixabay

Nasieńnie čya — dosyć ekzatyčny pradukt dla biełarusaŭ, jaki staŭ u nas papularnym nie tak daŭno. Pierad jaho nabyćciom varta źviartać uvahu na jakaść nasieńnia: pažadana, kab jano było śviežym i pryviezienym z Amieryki, a nie z Azii.

Intares da čya zasłužany, bo jano ŭtrymoŭvaje ŭražlivuju kolkaść klatčatki i białkoŭ i ličycca supierfudam. Pudynh z čya, badaj, samaja papularnaja strava z hetym supierpraduktam, bo hatujecca davoli prosta, a kolkaść nasieńnia ŭ im jakraz adpaviadaje sutačnaj normie (dźviuch stałovych łyžak dastatkova).

Pudynh možna zhatavać na śniadanak, u jakaści zakuski ci padać haściam jak desiert. Taksama jon spadabajecca dzieciam — asabliva kali vy dadaście štości ź ich ulubionych rečaŭ, naprykład, kakava-parašok abo nutełu.

Hałoŭny sakret pryhatavańnia ŭ tym, kab pakinuć nasieńnie ŭ małace nastojvacca na noč, bo tolki tak pudynh nabudzie kremavuju teksturu.

Vam spatrebicca:

  • małako — ź im strava atrymajecca bolš śmietankovaj (možna vykarystoŭvać i raślinnaje małako — mindalnaje ci aŭsianaje),
  • nasieńnie čya,
  • sałodki dadatak (miod, džem abo śviežyja jahady, naprykład, bujaki i kłubnicy),
  • miata ci što inšaje dla azdableńnia.

Raźličvajcie praporcyi z raźlikam prykładna 2 stałovyja łyžki nasieńnia na paŭšklanki małaka. Ale vy možacie padabrać i inšuju praporcyju — z toj teksturaj, jakaja vam spadabajecca.

Majcie na ŭvazie, što kali nasieńnie nabryniaje ŭ vadkaści, jano pieratvorycca ŭ želepadobnuju masu i pavialičycca ŭ niekalki razoŭ.

Hatavańnie

  1. Zalicie nasieńnie małakom i dobra pieramiašajcie (inakš jano moža źbicca ŭ kamiaki). Pakińcie ŭ chaładzilniku na noč.
  2. Dadajcie džem i jahady.

Smačna jeści!

Čytajcie jašče:

Što zdarycca z vašym ciełam, kali štodzień jeści hrušy 

Sałata z radyski i zielaniny — papaŭniajem zapas vitaminaŭ

Inžyr — sapraŭdny supierfud i pryrodnaja krynica vitaminaŭ. Siem pryčyn jaho jeści

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
aŭsianka, serrr/adkazać/
19.03.2023
Red., vy ździekujeciesia? jakoje čya-chua? nastupnym razam što na śniadanak ad vas čakać? jaki recept? z čornaj ikroj? kali tut sucharoŭ užo amal niama

0
Krem brule/adkazać/
19.03.2023
Nie surjozna, heta dla tych, chto ŭ biełym palito ŭ Vilni čylić. A u nas chutka krapiva palezie - sup možna zvaryć, potym dźmuchaŭcy pojduć - na sałatu, ładna, letašniaha maku možna zamačyć na desiert.
0
sieledka pod šuboj s krasnoj ikroj i siemhoj/adkazać/
19.03.2023
jakoha jašče maku? vy ź Isyk-Kula?) u Biełarusi ž maki nizia
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera