«Robicca nievynosna». Ministr ekanomiki Sierbii zaklikaŭ uvieści sankcyi suprać Rasii
Ministr ekanomiki Sierbii Rade Basta vystupiŭ za ŭviadzieńnie sankcyj suprać Rasii, ad čaho kraina raniej ustrymlivałasia. Pra heta jon napisaŭ u instahramie.
Ministr ekanomiki Sierbii Rade Basta. Fota: instagram.com/rade.basta/
«Naša kraina ŭžo płacić vysokuju canu za toje, što nie ŭvodziła sankcyi suprać Rasii, i heta stanovicca nievynosnym», — zajaviŭ ministr.
Jon padkreśliŭ, što, jak ministr ekanomiki, nie moža źmirycca z tym, «jaki cisk akazvajecca na prezidenta Sierbii Alaksandra Vučyča, a my maŭčym».
«Voś čamu ja za ŭviadzieńnie sankcyj suprać Rasii, ja padtrymlivaju prezidenta Vučyča ŭ abaronie dziaržaŭnych i nacyjanalnych intaresaŭ i całkam jamu daviaraju. Voś čamu ja prašu ŭrad Sierbii i ŭsich ministraŭ zrabić zajavu pa hetym pytańni», — zajaviŭ ministr.
Na minułym tydni prezident Sierbii Alaksandr Vučyč zajaviŭ, što nie moža «paklaścisia», što Sierbija ŭ niejki momant nie ŭviadzie sankcyi suprać Rasii praź jaje poŭnamaštabnaje ŭvarvańnie va Ukrainu.
Čytajcie taksama:
Prezident Sierbii: Dla nas Krym — heta Ukraina, i Danbas — heta Ukraina
Prezident Sierbii zaklikaŭ Rasiju spynić viarboŭku sierbaŭ u «Vahnier»
