Pamiežny pierachod «Babroŭniki» pieraharadzili bietonnymi błokami FOTA
Polšča stała ŭstaloŭvać zaharadžeńnie na pamiežnym pierachodzie «Babroŭniki», paviedamiŭ blizki da biełaruskich pamiežnikaŭ telehram-kanał «Hranica FM».
Na fota, zroblenym na pamiežnym pierachodzie, bačna technika vajskovaj afarboŭki, jakaja padvozić supraćtankavyja «vožyki», a taksama vystaŭlenyja na darozie bietonnyja błoki.
Pamiežny pierachod «Babroŭniki» na miažy ź Biełaruśsiu byŭ zakryty polskaj dziaržavaj 10 lutaha 2023 hoda ŭ adkaz na vyniasieńnie 8-hadovaha prysudu žurnalistu i polskamu aktyvistu ŭ Biełarusi Andreju Pačobutu.
Da zakryćcia «Babroŭniki» byli adnym z najbujniejšych pamiežnych pierachodaŭ na polska-biełaruskaj miažy. Paśla hetaha žycharam Hrodzienskaj vobłaści davodzicca jeździć u Polšču praź Litvu ci praz Brest.
23 lutaha 2023 hoda ministr abarony Polščy Maryjuš Błaščak zajaviŭ, što Polšča pačała «previentyŭnaje pašyreńnie zachadaŭ biaśpieki» na miažy ź Biełaruśsiu i Rasijaj. A 9 sakavika palaki paśla ŭźviadzieńnia ŭmacavańniaŭ na miažy z rasijskaj Kalininhradskaj vobłaściu pierajšli i da abstalavańnia miažy ź Biełaruśsiu.
Čytajcie taksama:
Palaki pačali stavić umacavańni na miažy ź Biełaruśsiu FOTA
Bolš za pałovu palakaŭ chočuć zakryćcia hranicy ź Biełaruśsiu
Jak zakryćcio «Babroŭnikaŭ» i inšyja abmiežavańni paŭpłyvali na dastaŭku tavaraŭ
